Charter Document - 05400187
| Charter Number: | 05400187 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1166 |
| Date type: | Internal, A.D. |
| Resource Link(s): |
|
Charter:
Ego Henricus Trecensium comes palatinus existentium memorie et futurorum posteritati notum fieri volo quod cum ego et Gaufridus de Velonissa et Gilo filius ejus Galonem de Mongueour et liberos ejus propter homines de corporibus clamaremus paupertati ipsius Galonis providentes et precibus Guillelmi tunc prioris ecclesie sancti Mauri de Dyaco et sancti Benedicti super Sequanam condescendentes ipsos liberos ab omni jugo servitutis et emancipatos ecclesie sancti Benedicti Floriacensis amore Dei in eleemosynam perpetuo possidendam concessimus verumtamen ipse Gaufridus et Gilo filius ejus XL s proinde habuerunt et ne hoc aliqua temporum vetustate mutari vel infringi possit scripto commendari et sigilli mei autoritate firmari precepi Hujus rei testes sunt Drogo de Pruvino Petrus Bristaldus frater ejus Dainbertus de Cervantis Altaldus camerarius Actum est hoc anno incarnati verbi MCLXVI Ludovico rege Francorum regnante Henrico Trecensium episcopo existente Tradita Trecis per manum Guillelmi cancellarii Guillelmus notarius scripsit