Charter Document - 05400186
| Charter Number: | 05400186 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1164 - 1165 |
| Date type: | Assigned |
| Resource Link(s): |
Reference Document for this Embedded Document |
Charter:
Alexander episcopus servus servorum Dei dilectis filiis abbati et fratribus sancti Benedicti super Ligerim salutem et apostolicam benedictionem Quod aliqua necessitate instante noscitur institutum postmodum necessitate cessante debet et quod ejus gratia est inductum simili modo cessare Hac siquidem consideratione provocati et ecclesie vestre que proprie beati Petri juris existit tranquillitati et paci in posterum precavere volentes auctoritate apostolica duximus statuendum ut licet archiepiscopi aut episcopi propter presentiam nostram aliquod onus ad presens obedientiis vestris imponant nulli eorum fas sit posthac occasione illa contra antiquam consuetudinem vestram fratribus vestris per obedientias constitutis aliquas exactiones imponere aut quidlibet ab eis exigere Datum Senonis VI idus martii