Charter Document - 05400176
| Charter Number: | 05400176 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1161 - 1175 |
| Date type: | Assigned |
| Resource Link(s): |
|
Charter:
Ego Petrus Dei gratia ecclesie beati Aniani decanus et universum ejusdem ecclesie capitulum notum facimus presentibus et futuris quod ecclesia sancti Benedicti habet in territorio Berciaci duos solidos et IV denarios singulis annis in terra censuali quos dominus abbas Arraudus et capitulum sancti Benedicti Martino subdecano nostro in vita sua habendos concessit eo tenore quod de illis duobus solidis et IV denariis majori sancti Benedicti qui est Aurelianis tres solidos annuatim in festo beati Aniani hyemali persolvet Quidquid autem in terra illa beati Benedicti que attinet ad censivam duorum solidorum et IV denariorum Deo annuente poterit acquirere vel emendando perficere ad ecclesiam sancti Benedicti post ejus obitum sine omni calumnia revertetur scilicet ne subdecanus aliquis successor ejus in terra illa quam prediximus possit reclamare aliquid ad precem prefati subdecani predictam pactionem litteris nostris fecimus confirmari et chirographo roborari