Charter Document - 05390162
| Charter Number: | 05390162 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1153 - 1154 |
| Date type: | Assigned |
| Resource Link(s): |
|
Charter:
Ea que juste et pro redemptione anime nostre gerimus ne decedentibus personis vel successione temporum deleantur scripto commendare decrevimus Notum igitur fieri volumus tam futuris quam presentibus quoniam ego Henricus Eduensis ecclesie episcopus ecclesiam de Dampetra dono ecclesie de Patriciaco et monachis ibidem Deo famulantibus et successoribus suis precibus Stephani ejusdem ecclesie prioris et in perpetuum possidendam concedo et ne aliqua ecclesiastica secularisve persona huic nostre donationi contradicere presumat auctoritate a Deo mihi concessa interdico et cartam istam proprio sigillo consignare precipio Datum Edue anno primo electionis Anastasii Romane sedis pontificis Ludovico Francorum rege juniore regnante Odone Burgundie duce Machario sancti Benedicti Floriacensis abbate Testes sunt Gauterius Eduensis archidiaconus Bertrannus Eduensis cantor Gauterius Eduensis archipresbyter Hugo de Colungiis Eduensis canonicus Bernardus de Dampetra Bernardus de Classiaco Bernardus de Genelaco Petrus capellanus de Maornaco Arnulfus de Ponte Gaufridus de Sancto Ingenuo Balduinus