Charter Document - 05390161

In Nomine Sancte et Individue Trinitatis Amen Ego Ludovicus Dei Gratia Rex Francorum et Dux Aquitanorum Quoniam regia benignitas ecclesiis Dei ampliorem debet diligentiam notum fieri volumus tam futuris quam presentibus nostros ministeriales cupiditate succensos in terra sancti Benedicti Floriacensis scilicet Evre Bulliaci Bolonis et Bosonis ville super homines ecclesie malas consuetudines levasse a singulis hospitibus annuatim exigentes denarios XIIeim et minam annone sed cum impium sit impietati assensum prebere precipue illis quibus datum est posse prohibere regia pietate et interventu ejusdem ecclesie venerandi abbatis Macharii dictas exactiones ministrorum de cetero perdonavimus precipientes ne exigantur vel reddantur nostris sane legitimis consuetudinibus quas in eisdem villis habemus servatis et retentis Insuper homines ecclesie in predictis villis morantes usque ad hec tempora testimonium ferre non potuerunt et ignobiles erant in hac parte sed nos amore Dei et predicti abbatis ecclesiam honorare et illos nobilitare regia auctoritate voluimus precipientes ut de cetero possint ferre testimonium et recipiantur Quod ut ratum sit in posterum et omni firmitate subnixum memorie litterarum tradi et nostro sigillo muniri nostrique nominis karactere confirmari precepimus Actum Parisius anno ab incarnatione Domini MCLIII regni vero nostri XVI astantibus in palatio nostro quorum subscripta sunt nomina et signa Domus nostra vacabat dapifero SS Guidonis buticularii SS Mathie constabularii SS Mathie camerarii Data per manum Hugonis cancellarii