Charter Document - 05390158
| Charter Number: | 05390158 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1148 |
| Date type: | Internal, A.D. |
| Resource Link(s): |
|
Charter:
Anno ab incarnatione Domini MCXLVIII emit frater Julianus monachus Germiniaci sex et C solidis a Fulcuiso fratre Gilonis majoris ejusdem ville aquam totam et sedem molendini que juris ejus erat Ut igitur contractus hujus memoria perhennet et posteris innotescat presenti cartule rei geste series mandetur Predictus itaque Fulcuisus predicto fratri Juliano predictam aquam et sedem molendinariam propre Moncellum sine ulla retentione vendidit precio pretaxato laudantibus uxore sua Tescia et duobus filiis suis Adam et Eustachio presente pariter et laudante Gilone majore et uxore sua Emeniarde ad cujus feodum aqua et sedes molendini que venibat pertinebat Limitatur autem aqua a superiore parte vado Moncelli et ab inferiore rivo Guinantii Sic autem Fulcuisus et majores ejus aquam determinatam libere possederant ut nemo infra terminos prefatos pro captura piscium quas vulgo combras vel braccas vocant construere eis nolentibus invitisque presumeret Actum est hoc Germiniaci in domo prioris presentibus et videntibus testibus subnotatis Johanne filio Ulrici de Cultura Hugolino et Hugello fratribus Rainando de Vadis et Theobaudo fratribus Viviano Martello Arnulfo de Moncello Theobaudo fabro lignario Guarnerio de Cruce Rainardo clerico de Arcula Bono Amico de Castro novo Uldemaro de Meisnils Simone filio Gunterii Notandumque quod in capitulum Fulcuisus et Gilo major venientes predictam venditionem confirmarunt coram conventu