Charter Document - 05390146
| Charter Number: | 05390146 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 |
| Date type: | Internal, A.D. |
| Resource Link(s): |
|
Charter:
Girardus Dei gratia Sagiensis ecclesie humilis minister universis fidelibus sancte ecclesie tam laicis quam clericis salutem Notum sit omnibus tam presentibus quam futuris qui christiano nomine censentur quod Radulphus ejusque filius videlicet Willelmus decimam quam in parochia de Perreia possidebant cenobitis sancti Benedicti reverendissimis cunctis audientibus parochianis ejusdem ville pro animabus patrum et matrum in elemosina contulerunt Hujus rei testes existunt idonei Lancelinus de cujus feodo decima illa est Osanna uxor ipsius omnesque filii eorum Oleardus sacerdos Pinardus Robertus Henricus Giraudus prior de Magniaco dictus prior qui frontarie adquisivit Factum est hoc anno ab incarnatione Domini millesimo centesimo quadragesimo sexto regnante Ludovico rege Galliarum et Aquitanorum duce Si quis in posterum hec dissipare voluerit gladio anathematis percutiatur et cum iniquo Juda infernalibus penis tormentetur