Charter Document - 05390143
| Charter Number: | 05390143 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1145 - 1157 |
| Date type: | Assigned |
| Resource Link(s): |
|
Charter:
Godefridus Dei gratia Lingonensis ecclesie dictus episcopus dilecto filio suo Willelmo priori de Diaco salutem Equitatis ratio postulat ut quos erga sanctam Lingonensem ecclesiam devotiores esse cognoscimus ampliori caritatis effectu in Domino amplectamur Hujus rei gratia dilecte in Domino fili Willelme devotionem tuam erga Lingonensem ecclesiam et nos ipsos attendentes ecclesiam de Mariaco tibi tuisque successoribus et ecclesie beati Mauri ad ecclesiam sancti Benedicti pertinenti in perpetuum concedimus et ne quis hanc nostram donationem temerario ansu cassare presumat eam presentis scripti patrocinio communimus et sigilli nostri munimine corroboramus Si quis autem eam irritare presumpserit anathematis sententia feriatur Testes sunt Joscelinus Guido Pontius Garnerius archidiaconi magister Anselmus magister Richardus preterea abbates Philippus Divionensis Guerricus Besuensis Petrus Tornodorensis