Charter Document - 05390142

In nomine sancte et individue Trinitatis Ludovicus ego Dei gratia rex Francorum et dux Aquitanorum Notum facimus universis presentibus pariter et futuris quod inspirante nobis divina clementia libertatem a predecessoribus nostris datam ecclesie beati Benedicti Floriacensis cenobii ob caritatem ipsius loci prorsus eamdem ei concedimus atque juxta preceptum patris nostri bone memorie Ludovici auctoritatis nostre munimine corroboramus quod deinceps neque nos ipsi neque quilibet successorum nostrorum regum eumdem locum causa violentie adeat neque incolas cujusque generis vel ordinis ipsius loci per se in causam mittat vel questum ab eis quoquomodo exigat Ceterum si nobis vel nostris injustitiam fecerint per abbatis seu capituli manum ministerialibus nostris justitie nostre recipiende causa a nobis illuc directis justiciam nostram nanciscemur Quod ut ratum habeatur in posterum et perpetue stabilitatis habeat munimentum scripto commendari sigilli nostri auctoritate muniri nostrique nominis subter inscripto karactere corroborari precepimus Actum publice apud Burias anno ab incarnatione Domini MCXLIIII regni vero nostri VIII astantibus in palatio nostro quorum nomina subtitulata sunt et signa Signum Radulphi Viromandorum comitis dapiferi nostri S Mathei camerarii S Mathei constabularii S Guillelmi buticularii Data per manum Cadurci cancellarii