Charter Document - 05390140
| Charter Number: | 05390140 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1144 - 1161 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Noverint universi presentes et posteri quod ego Radulfus de Nidis pro eo quod duos homines sancti Benedicti in guerra mea occidi dedi domino Machario abbati et ecclesie sancti Benedicti commutationis gratia hominem quemdam meum Morinot nomine filium Garnerii de Vosum ea duntaxat conditione ut eum franci hominis sancti Benedicti lege possideant Et sciendum quod domino abbati dedi fidem me predictum Morinot ubicumque opus fuerit garentire et in regis presentia quod factum est confirmare Quod ut ratum habeatur sigilli mei impressione roboravi