Charter Document - 05390134
| Charter Number: | 05390134 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1138 |
| Date type: | Internal, A.D. |
| Resource Link(s): |
|
Charter:
Officium pietatis est justis petitionibus clementer annuere et servos Dei quos litigare non oportet ab injustis vexationibus premunire Idcirco ego Albericus divina dispensatione Bituricensis archiepiscopus notum fieri volo cunctis fidelibus tam presentibus quam futuris quod venerabili fratre Ademaro abbate Guillelmoque medico et Alexandro priore Castri novi aliisque Floriacensibus monachis humiliter supplicantibus ut ecclesiam de Corcoe datam sibi a Leodegario bone memorie antecessore nostro et ecclesiam de Venesimo quam donaverat eis domnus Wlgrinus predecessor noster nostra quoque authoritate firmaremus petitioni eorum assensum prebui et predictas ecclesias cum rebus ad eas pertinentibus in perpetuum habendas concessi et ne in posterum injuste pro eis vexentur litterarum presentium testimonio et sigilli nostri impressione communivi salvo et retento jure episcopali sancte Bituricensis ecclesie et ministrorum ejus Hec autem acta sunt anno ab incarnatione Domini MCXXXVIII sedente Innocentio papa regnante Ludovico rege Affuerunt et laudaverunt fratres nostri Cadurcus cantor beati Stephani Hugo Hubertus archidiaconus Odo archidiaconus Hugo archipresbyter Giraudus decanus sancti Austregesili Petrus Tuelo et alii