Charter Document - 05390132
| Charter Number: | 05390132 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1137 |
| Date type: | Internal, A.D., Episcopal, Regnal |
| Resource Link(s): |
|
Charter:
Helias Dei gratia Aurelianensis episcopus dilecto fratri in Christo Ademaro venerabili abbati sancti Benedicti Floriacensis cenobii ejusque successoribus universis totique ejusdem conventui monasterii religiose viventibus in perpetuum Si sacri Evangelii testimonio his etiam qui nos oderunt benefacere ammonemur prorsus amicis et benefactoribus nostris obsequium impendere caritatis beneplacito Dei et equitati congruere videtur Ego igitur Helias Aurelianensis episcopus notum fieri volo cunctis fidelibus tam futuris quam presentibus mihi a domini pape Innocentii reverentissimi patris nostri benevolentia significatum esse ut in ecclesia sancti Yterii Soliacensis religionem personasque ad Dei servitium idoneas institueremus idcirco pro domini pape sententia et voluntate communicato cum prudentibus et religiosis viris Aurelianensis ecclesie consilio predictam Soliacensem ecclesiam pro reverentia corporis beati patris Benedicti quod in Floriacensi cenobio Dei providentia et gratia requiescit quia etiam ipse totius monastice religionis et institutor et pater est prefato abbati Ademaro ejusque successoribus et capitulo Floriacensis monasterii universo ad serviendum Deo sub religione monastica dono atque in perpetuum concedo salvo per omnia jure Aurelianensis ecclesie et illorum canonicorum cum hoc donum factum est in ecclesia Soliacensi commorantium tenore Si qua autem ecclesiastica secularisve persona huic nostre donationi temerario ausu contraire presumpserit anathematis sententie subjaceat donec resipiscens condigne satisfaciat Quod ut ratum et inconcussum permaneat presenti scripto memorie commendamus et sigilli nostri auctoritate corroboramus Actum Floriaci publice anno incarnati verbi MCXXXVII Ludovico rege Francorum et duce Aquitanorum regnante anno primo episcopatus vero nostri anno primo S Ego Helias Aurelianensis episcopus manu propria subscribo et confirmo S Stephani decani S Philippi precentoris S Stephani subdecani S Bartholomei capicerii S Ermenfredi archidiaconi S H