Charter Document - 05390121
| Charter Number: | 05390121 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1123 |
| Date type: | Internal, A.D. |
| Resource Link(s): |
|
Charter:
In nomine sancte Trinitatis Ego Boso abbas sancti Benedicti et universa congregatio ejusdem monasterii notum fieri volumus cunctis fidelibus tam futuris quam instantibus quod monachis de Curia Dei omnem decimam terre duarum quarrugarum et decimam universarum pecudum suarum de Curcellis ita quiete et jure perpetuo habendam et possidendam et obtinendam concedimus ut neque nos neque ministeriales nostri aliquam deinceps decimam predictarum rerum ibi ab eis requiramus et propter hoc quidquid rex Ludovicus in novo Richardi molendino de Mansionille habebat ex dono et eleemosyna ejusdem regis in hujus rei commutationem jure perpetuo habendum et obtinendum suscepimus Quod ne valeat oblivione deleri scripto commendavimus et ne possit a posteris infirmari sigilli nostri auctoritate corroboravimus Actum Floriaci in capitulo nostro publice anno ab incarnatione verbi millesimo centesimo vigesimo tertio Hujus rei testes sunt quorum nomina subtitulata sunt et signa Signum Gauberti Signum Beraudi Signum Elie Signum Simonis armarii Ex parte vero eorum affuerunt Robertus prior Theobaudus et Humbaudus monachi