Charter Document - 05390120
| Charter Number: | 05390120 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1122 |
| Date type: | Internal, A.D., Regnal |
| Resource Link(s): |
|
Charter:
W per Dei misericordiam Bituricensis archiepiscopus venerabili fratri Bosoni Floriacensis monasterii abbati ejusque successoribus canonice substituendis in perpetuum Oportet nos qui ecclesie Dei divina dispensante providentia presidemus loca divino cultui mancipata diligere sed illa precipue in quibus servi Dei qui pro Christi amore hoc seculum reliquerunt die noctuque vigiliis et orationibus insistentes pro suis aliorumque delictis divinam clementiam exorant unde nequaquam fas esse arbitramur monasteriorum facultates ad sustentationem pauperum Christi deputatas ullatenus imminuere quas potius pro posse nostro si opportunitas se ingerit et volumus et debemus augere Idcirco venerabilis et dilectissime frater Boso Floriacensis monasterii abbas tuam ac fratrum tuorum petitionem benigne suscepimus et ecclesiam sancti Martini que juxta sanctum Bricium sita est quam ex antiquo jure reclamabatis et juris Floriacensis monasterii antiquitus fuisse asserebatis gloriose semper virgini Marie et beato Benedicto in quorum honore Floriacense monasterium fundatum est zelo rectitudinis et pietatis amore reddidimus tibi et successoribus tuis ad sustentationem famulorum Dei in perpetuum obtinendam concessimus salvo jure Bituricensis ecclesie et ministrorum ejus Hec autem nostra concessio assensu ministrorum nostrorum Radulfi archidiaconi Matthei archipresbyteri confirmata est et per presentis scripti testimonium memorie fidelium commendata Prohibemus igitur ex auctoritate nobis a Deo concessa ut nulla deinceps sive ecclesiastica sive secularis persona prefatam ecclesiam sancti Martini a Floriacensi monasterio alienare presumat neu quis calumpniam inferat neve fratres Domino servientes a quiete divine contemplationis avocet injustis et temerariis vexationibus fatigando Quod si quis contra hanc concessionem nostram ire presumpserit presentis scripti testimonio refellatur et quousque dignam peragat penitentiam juxta sacrorum canonum censuram ut alieni juris invasor dampnationi et excommunicationi subjaceat Actum Bituricas anno ab incarnatione Domini millesimo centesimo vigesimo secundo regnante rege Ludovico anno XV Wlgrino cathedre Bituricensi presidente anno tertio Testes ex parte archiepiscopi Gaufridus precentor Hubertus cancellarius Ysambertus subcancellarius Marcellus capellanus Guarniguil Ex parte Bosonis abbatis Airaudus prior sancti Bricii Boso monachus Paganus Greno Bernardus de Claustro Paganus Castellionensis forestarius