Charter Document - 05390114
| Charter Number: | 05390114 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1119 |
| Date type: | Internal, A.D., Episcopal, Regnal |
| Resource Link(s): |
|
Charter:
Rodulfus Dei gratia Remensis ecclesie licet indignus minister et servus dilecto sibi in Christo Bosoni Floriacensis monasterii venerabili abbati ejusque successoribus in perpetuum Nos quos propitia divinitas ecclesie sue ministros ordinavit ecclesiarum ac monasteriorum utilitatibus compellit suscepti regiminis cura debita sollicitudine providere ac piis bonorum desideriis assensum prebere Ea propter dilectionis vestre justis petitionibus annuentes altare de Sorbone absque personarum successione monasterio vestro perpetuo tenendum concedimus Ut autem hujus nostre concessionis pagina rata permaneat ac inconvulsa sigilli nostri impressione ac probabilium personarum testimoniis eam muniri ac roborari precepimus S Odonis beati Remigii abbatis S Hugonis Altovillarensis abbatis S Joftridi sancti Theoderici abbatis S Hugonis S Basoli abbatis S Haiderici Mosomensis abbatis S Odonis Orbacensis abbatis S Joranni beati Nicasii abbatis S Duranni abbatis de Morimonte S Nicolai archidiaconi S Ebali prepositi S Joffridi decani S Lamberti cantoris S Gerardi S Alberti S Ade S Odonis presbyterorum S Fulcunini S Ermenrici S Richardi S Johannis diaconorum S Simonis S Gervasii S Gerardi S Bosonis subdiaconorum Actum Remis anno incarnati verbi MCXVIIII indictione XI regnante Hludovico gloriosissimo rege Francorum anno XII archiepiscopatus autem domni Rodulfi anno XIII Fulchradus cancellarius recognovit scripsit et subscripsit