Charter Document - 05390104
| Charter Number: | 05390104 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1108 |
| Date type: | Internal, A.D., Calendar, Regnal |
| Resource Link(s): |
|
Charter:
In nomine sancte et individue Trinitatis Tam ad presentium quam ad posterorum fidelium memoriam presenti carte mandari curavimus quod ego Leodegarius Dei gratia Biturigensis ecclesie humilis minister consilio et precibus tam clericorum nostrorum quam procerum plurimorum matrem ecclesiam de Corcoe que est in honore sancti Martini cum capella de Tauvigniaco in manu domni Bosonis abbatis ecclesie sancti Benedicti Floriacensis et fratribus ibidem Deo servientibus in perpetuum habendam donavimus et concessimus ibique precibus nostris et aliorum qui intererant predictus abbas donavit et concessit consilio monachorum suorum capellam de Tauvigniaco in manu Andree abbatis ecclesie sancti Petri de Casali et fratribus loci Sciendum tamen est quod predicta capella cimiterium non habebit nec parochianum aliquem preter famulos de domo sua et uxores eorum quos habebit monachus ad vitam et ad mortem portabit ubi voluerint et sepeliet excepta capella ubi nullus unquam sepelietur Facta sunt hec dona anno ab incarnatione Domini MCVIII indictione I XV kalend novembris regnante Ludovico rege primo anno Unde sunt testes quorum nomina subscripta sunt Leodegarius archiepiscopus Boso abbas Andreas abbas Ebrardus decanus Mattheus precentor Radulfus archidiaconus Helias monachus Bernardus monachus Gaufridus Exoldunensis Aymo de Charoffi Signinus de Lineriis et multi alii clerici monachi et nobiles et laici