Charter Document - 05390092

Quoniam prudenti sapientum consilio decretum est et mos iste in ecclesia adolevit ut res que in ea geruntur quatenus a futuris in posterum secantur litteris annotentur dignum fidelium memorie tradere duximus quod Robertus Moretonii comes frater Villelmi Anglorum regis et Normannorum principis construxit castrum in terra sancte Marie sanctique Benedicti confessoris et ut monachi id libentissime annuerent concessit illis prefatus comes decimum burgensem totius ville cum omnibus consuetudinibus suis excepto quod si necessitas hospitandi illi incubuerit in domibus burgensium monachorum licentiam hospitandi habuerit Annuit etiam illis omnem decimam redditus fori et feriarum et hec solute et libere preter exituram persone hiis exceptis habent monachi in prefato castro omnem moltam et redditus furnorum et omnes consuetudines ecclesie pertinentes videlicet decimam et sepulturam et ceteras consuetas oblationes Hec possidebant monachi ante constructionem castri sed prefatus comes solute et libere terram illis concessit habere ut castellum suum eorum construeret concessione et nomen castri vocatur nomine sancti Hilarii et unicuique burgensi dabunt monachi terre unam virgam ad inhabitandum qui ibi sunt vel hospitandi sunt Villelmi regis Michael Abrincensis episcopus juste et legaliter concessit Roberti filii regis Gisleberti episcopi Lexovie Roberti comitis Moritonie Hugonis abbatis Cerasiensis Villelmi regis filii Eudonis vicecomitis Et in dorso originalis est scriptum Hec consensu et imperio domini Villelmi Anglorum regis ducisque Normannorum gesta sunt anno MLXXXIII dominice incarnationis XVIII regni ipsius Que ut firma permaneant his propria manu subscripsit sigilloque signavit faventibus filiis Roberto atque Villelmo ipsis etiam subscribentibus V idus januarii