Charter Document - 05390091

Quoniam miseri hominis est semper propriam salutem nogligere et minimum sibi providere utpote qui terrenis deprimitur et vix aliquando celestibus sustollitur nisi forte quemlibet manus Domini tetigerit ut vel sic expergefactus ceno miserie tandem propriam salutem attendat idcirco ego Augerius de Marsa rotunda a miseria scelerum meorum instinctu misericordie Dei expergiscens et salutem mee peccatricis anime considerans malitiam relinquo terrenam et monachum profiteri volo quapropter secundum regulam patris Benedicti solemnem faciens donationem de rebus proprietatis mee et alodo meo que visus sum possedisse jure hereditario partim pignore partim alodo Deo et sancte Marie et sancto Petro sanctoque patri Benedicto Floriacensi in pleno capituli conventu ante domnum abbatem Veranum concedo a die presenti et deinceps ipsi patri monachorum et fratribus sibi deservientibus in loco Regule ut possideant et teneant absque ulla contradictione hoc est quicquid visus sum habere de Guilleragas cum terris et barta hoc est sylva et molendinis que sunt in Drot excepto manso quem tenet Guillielmus Garsias in beneficio et hoc est quod ex jure hereditario alodi mei visus sum possedisse hanc particulam possessionum mearum sicut dictum est pro redemptione anime mee patris et matris et ceterorum parentum trado Deo et predictis sanctis cetera vero fratribus meis ea ratione ut si libenti animo que ordinavi constitutum tenuerint et nullam inflixerint calumpniam stabilitum et inconvulsum quod eis relinquo possideant sin alias irritum quod eis ordino fiat Sed et si quisquam extiterit vel fratrum vel heredum seu quelibet persona qui hujus eleemosine donationem quovis modo saltem calumniare ausus fuerit Dei judicium incurrat et CCC libras dampno judiciali reddat et ejus calumpnia irrita fiat Ut autem hec carta firma permaneat adstipulari feci signo meo et eorum qui subtus adnotati sunt Signum Augerii S Walterii prioris Regule S Bosonis monachi et S Raimundi monachi S constabuli Servati S Garmundi servientis ejus S Gisleberti majoris Floriacensis S Ascelini S Erberti fratris ejus Actum Floriaco publice anno ab incarnatione Domini MLXXX regni Philippi serenissimi regis Francorum anno XX