Charter Document - 05390087
| Charter Number: | 05390087 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1078 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Ego Philippus gratia Dei Francorum rex notum fieri volumus fidelibus sancte matris ecclesie tam presentibus quam futuris quod fratres videlicet monachi ecclesie beatorum martyrum Gervasii et Protasii que sita est non longe foris muros Aureliane civitatis ad orientalem plagam adiere presentiam nostram humiliter obsecrantes ut prefate ecclesie supra nominatorum martyrum et cunctis monachis Deo ibidem servientibus exactiones nostri juris soli Floriacensis predii videlicet beati Benedicti cum domo quadam que sita est prope forum hujus nostre Aureliane civitatis pro incolumitate nostri regni ac nostris predecessoribus caritatis ac religionis amore concederemus Quorum juste quidem ac pie petitioni astantibus personis de palatio nostro quorum nomina subtitulantur annuimus precipiendo etiam firmamus et firmando precipimus ne nos ac nostri successores vel noster quisquam ministerialis aut nostrorum successorum prefectus vel vicarius vel auceps seu quisquam de venatoribus aut cujuslibet ministerii fuerit nostri vel ministrorum nostrorum alicujus aliquid consuetudinis vel exactionis in terra supradicta et ab ipsius terre habitatoribus necnon et in prefata domo ulterius requirat aut exigat Et ut hec largitio nostra in secula firma permaneat et hoc donum nostrum supra nominatorum martyrum servitores monachi ab omni exactione quietum et absolutum in perpetuum possideant memoriale istud inde fieri propriaque manu nostra signatum nostri nominis caractere et sigillo nostro precepimus sanciri S Adam dapiferi S Waleranni camerarii S Adam constabularii S Hervei buticularii Actum Aurelianis anno incarnati Verbi millesimo septuagesimo octavo anno regni Philippi Francorum regis decimo octavo Gislebertus ad vicem Rogerii cancellarii relegendo subscripsi S Sancionis sancti Aniani decani S Gofredi cantoris sancti Aniani S Theoderici S Waleranni camerarii S Sancionis Piverensis prepositi S Alberti prepositi et majoris S Ade dapiferi sancte Crucis S Fulcherii S Arriani canonici sancte Crucis S Stephani Bonarum manuum S Hugonis de Meleduno S Landrici S Vuidonis Silvanectensis S Stefani S Walteri de Pontio S Adirici coci S Radulphi filii Lancilini S Hugonis filii nonne S Vuillelmi S Warini