Charter Document - 05390084
| Charter Number: | 05390084 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1075 |
| Date type: | Internal, A.D. |
| Resource Link(s): |
|
Charter:
Hugo Dei gratia Trecensis episcopus fidelibus universis presentibus et futuris gaudium pacis atque salutis Quoniam maximum atque spirituale donum caritatis magis ac magis ubique refrigescit vitaque omnium redundante malitia periclitatur nequiter convenit prorsus unumquemque fidelium in postremis sibi providere ne forte quod absit cum morte carnis mortem incurrat anime Quapropter festinemus omnes facere nobis amicos etiam de mammona iniquitatis ut nostris deficientibus meritis postmodum in eterna tabernacula recipiamur ab eis Unde beatum Benedictum cupiens mihi et ecclesie mee patronum et intercessorem habere fratribus ecclesia Floriacensis dicte que est in honore beate Dei genitricis Marie ubi dicitur requiescere beatus Benedictus corpore concedo et laudo usque in perpetuum illa duo altaria episcopatus mei que prius et ab antecessoribus meis collata fuerant unum scilicet proximum ville Mauri apud villam que dicitur curtis Marini alterum vero vicinum civitati apud villam que dicitur Toriacum Sint eis itaque illa duo altaria eorumque pertinentia exceptis forisfactis intus et extra curaque animarum presbyterorumque justitia sed pro eo quod est vicinum civitati bis in anno statutis scilicet synodis persolvantur octo tantum denarii pro illo vero quod est juxta villam Mauri similiter solvantur quatuor denarii Episcopus vero et fratres hujus ecclesie habeant carnaliter et spiritualiter societatem illius ecclesie et ab eis suscipiantur honorifice apud beatum Benedictum Floriacensem Factum est hoc millesimo septuagesimo quinto anno incartionis dominice Philippo quidem regnante monasterii autem sancti Benedicti Willelmo abbate me quidem VIII idus in capitulo sancti Petri Trecorum residente confratribus scilicet ecclesie hoc laudantibus atque probantibus plene cooperante Domino nostro Jhesu Christo Stephano preposito Gosberto archidiacono Rainero archidiacono Widone archidiacono Burdino archidiacono Arnulpho cantore Joanne camerario Joscelino presbytero Theodorico presbytero Gumberto presbytero Hermenaldo presbytero Warnerio presbytero Borchardo presbytero Odone diacono presbyterorum decano Iterio diacono Petro diacono Constantino diacono Nochero diacono Erfrido subdiacono Dodone subdiacono Arnulpho subdiacono Joscelino subdiacono Fromundo subdiacono Girardo subdiacono Rainaldo subdiacono et ceteris omnibus Giraldo cancellaris Quicumque autem huic nostre donationi contradixerit anathema sit Richerius archiepiscopus firmavit Robertus Carnotensium episcopus subscripsit Rainerius episcopus Aurelianensis subscripsit Gaufridus Altissiodorensis episcopus subscripsit Signum comitis Tetbaudi Signum comitis Stephani filii ejus Actum et confirmatum Senonis ab episcopis in concilio in ecclesia sancti Stephani