Charter Document - 05390082

In nomine sanctissime et individue Trinitatis amen Ego Philippus Dei gratia Francorum rex notum fieri volo omnibus sancte Dei ecclesie fidelibus tam presentibus quam futuris quod adierint nostre serenitatis presentiam Guillelmus sancti Benedicti Floriacensis cenobii abbas et monachi sub eo degentes querimoniam facientes de commendationibus et ceteris malis consuetudinibus quas quidam pervasores Tescelinus scilicet et filii ejus Hugo et Albertus in quibusdam sancti Benedicti possessionibus Scriniis videlicet et Alevrin injuste exigebant quas ante multos annos gloriosissimi Francorum reges nostri antecessores Rotbertus videlicet et Henricus pater meus per regalium auctoritatem preceptorum ne aliquis exigeret decreverant Nos vero audientes tam temerario ausu violari ac transgredi regalia predecessorum nostrorum precepta egre tulimus simulque decrevimus per hoc nostre auctoritatis preceptum ut nec ipsi nec aliquis ex eorum heredibus nec ulla alia persona sive quilibet publicus exactor pro aliqua re exigenda nostris vel futuris temporibus easdem audeat adire villas nec aliquo modo aliquid ex eis exigere presumat quatenus liceat abbati seu congregationi prefati loci sub immunitatis nostre tuitione ac defensione predictas possessiones quiete dominari ac possidere Addimus etiam hoc ut quemadmodum omnes ville sancti Benedicti in vicaria Peverense site id est Evera Bulliacus Bosonis ac Bolonis ville cum earum adjacentiis preceptis progenitorum nostrorum ab omnibus commendationibus et ceteris consuetudinibus munite ac defense perpetualiter habentur ita et hac regali auctoritate nostra per hujus precepti nostri corroborationem eedem ville tute permaneant in eternum ac defense pro remedio anime nostre nostrique imperii perpetua pace et stabilitate Et ut hoc nostre auctoritatis decretum firmum et inviolabile permaneat omni tempore proprii signi corroboravimus subscriptione S Philippi regis S Gualeranni magistri regie domus S Hugonis fratris ejus Actum Miliduno publice anno ab incarnatione Domini millesimo septuagesimo I Philippi vero gloriosissimi regis undecimo