Charter Document - 05390074

In nomine sancte et individue Trinitatis Gilduinus sancte matris ecclesie Senonensium humilis archiepiscopus Notum sit omnibus sancte Dei ecclesie fidelibus tam presentibus quam futuris quod postulavit nostre serenitatis humilitatem reverentissimus abbas monasterii sancte Marie sancti Petri et sancti Benedicti Floriacensis nomine Azenerius exposcens sibi concedi et ad ipsum locum perpetualiter harum altaria ecclesiarum altare de Flaico altare de Bussedello altare de Montebarresio altare de Macheriis altare de Vetulis mansionibus ea scilicet ratione ut neque nos neque successores nostri ullum ex his ecclesiis exigant servitutis obsequium nisi quantum in hoc nostre auctoritatis scripto tenetur expressum Agimus itaque ne divini cultus reverentia iisdem locis per totius labentis seculi curricula desit et honor omnipotentis Dei ne annihiletur ob incuriam nostre negligentie et ut nostri memoriam apud Deum fratres in monasterio reverentissimi patris Benedicti perpetualiter agerent cum tota devotione Annuentes justis petitionibus predicti abbatis et fratrum sub eo degentium concedimus atque in perpetuum concessum esse volumus una cum consensu voluntate et jussione domni Henrici gloriosissimi Francorum regis ut quidquid ad nos de eisdem ecclesiis pertinere videtur sine ulla calumpnia vel interpellatione successorum nostrorum fratres et monachi predicti loci secure possideant exceptis synodis et circatis quas persolvent temporibus statutis non plus minusve quam usque in diem presentem soliti sunt reddere Scriptum etiam quod nostri antecessores illis fecerunt pro redemptione animarum suarum de duabus ecclesiis hoc est de Monasteriolo et Ulseto perpetualiter nostra auctoritate confirmo Si ergo aliquis successorum nostrorum qualibet quod absit illectus cupiditate aut supripientium iniquorum hominum persuasus fraude hunc auctoritatis nostre tenorem et Dei servis monachis nostre beneficentie collatum donum violare presumpserit contradicentibus ubique Dei fidelibus et nostra autoritate irrita fiat ejus presumptio et omnis ejus cassetur ordinatio Deoque impediente nullum ejus mala voluntas obtineat effectum aut vigorem Hoc autem nostre donationis scriptum ut inconvulsam omni tempore obtineat firmitatem publice in synodo nostro cum consensu domni Henrici regis et omnium fidelium nostrorum manu propria roboravimus et manibus vocibusque omnium archidiaconorum seu presbyterorum et canonicorum nostrorum roborari decrevimus Signum Henrici regis Signum Gilduini Senonensis ecclesie archiepiscopi Signum Gausfredi patris ejusdem Signum Hescelini episcopi Signum Odolrici episcopi Signum Balduini cancellarii Signum Hugonis archidiaconi Signum Girardi archipresbyteri Signum Gausfredi decani Azenerius abbas Albertus abbas Adraldus abbas Ermenaldus abbas Signum Walerandi comitis Signum Yvonis comitis Signum Atonis militis Signum Gilduini militis Signum Burchardi militis Signum Alberti militis Signum Aganonis clerici Datum mense novembri anno ab incarnatione Domini MXXXV indictione III anno VI regni Henrici regis