Charter Document - 05390069

In nomine sancte et individue Trinitatis Hugo divina propitiante clementia Francorum rex Cum pravorum hominum [] abbas ex monasterio Floriacensi quod est constructum in honorem sancte Marie et sancti Petri principis apostolorum sanctique Benedicti confessoris ubi ipse beatus Benedictus corpore requiescit in pago Aurelianensi super fluvium Ligeris detulit nobis auctoritatis preceptionem antecessorum nostrorum et regum videlicet Francorum [in qua erat insertum quod] ipsi Francorum reges prefatum monasterium cum rebus et hominibus ad se pertinentibus et aspicientibus sub tuitione et defensione sua habuissent et eorum immunitatibus auctoritatum a judiciarie potestatis inquietudine semper deffensum et munitum fuisse[t] Ob rei tamen firmitatem postulavit nos prefatus abbas ut in amore Dei et reverentia beatissime virginis Marie sancti Petri et sancti Benedicti predecessorum nostrorum morem sequentes immunitatis nostre preceptum circa ipsum sanctum locum fieri [censeremus Cujus petitioni assensum prebuimus et hoc nostre auctoritatis preceptum circa ipsum sanctum locum fieri] decrevimus per quod precipimus atque jubemus ut nullus judex publicus [] Deo famulari videntur pro nobis et conjuge proleque nostra atque stabilitate totius regni nostri nobis a Deo commissi atque conservandi jugiter Domini misericordiam exorare delectet et quidquid de rebus [] Et ut hec auctoritas nostris futurisque temporibus Domino protegente valeat inconcussa manere eam manu propria subter firmavimus et annuli nostri impressione subter sigillari jussimus Actum Aurelianis civitate publice anno dominice incarnationis nungentesimo octogesimo septimo anno primo regnante Hugone gloriossissimo rege Signum Hugonis gloriossissimi regis