Charter Document - 05390068
| Charter Number: | 05390068 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0982 |
| Date type: | Internal, Calendar, Regnal |
| Resource Link(s): |
|
Charter:
In Dei nomine ego Narduinus pavens extreme diem vocationis ne gravatus mole peccaminum sine fructu boni operis sterilis inveniar dono pro remedio anime mee et parentum meorum res proprietatis mee monasterio sancte Marie semper virginis et sancti Petri apostolorum principis et sancti Benedicti Floriacensis cenobii quo corpus ipsius requiescit que sunt site in pago Matisconensi in villa Solmeriaco he sunt vinee prata silve cum terris cultis et incultis totum et ad integrum quesitum et ad inquirendum quicquid in prefata villa de meo jure et de locis sanctorum aliquid in ipsa villa habentium conquisivi vel ab aliis hominibus in jus et dominationem servorum Dei jam dicto cenobio transfero possidendas Reddo etiam supradicto cenobio colonicas VIIII quas Wineterius sancto B[enedicto] pro remedio anime sue et senioris Heccardi comitis dedit ad possidendum quas etiam ab abbate ipsius loci hucusque ad censum tenui Ita ut ab hac die et deinceps sicut reliquas ipsius monasterii res libero in dominando fruantur arbitrio monachi ejusdem loci Si vero aliquis aut ego ipse aut aliqua intromissa persona contra hanc donationem vel warpituram calumniare voluerit quod repetit non evindicet sed iram omnipotentis Dei incurrat et merita omnium sanctorum Dei offendat et repetitio ejus nullum obtineat effectum et presens donatio firma permaneat Actum Floriaco publice Signum Narduini qui hanc cartam fieri et firmare rogavit S Raculfi prepositi S Willelmi S Durandi prepositi S Wigonis vicecomitis et uxore sua Eufemia qui consenserunt Data XVII kal novembris anno XXVIII Lotharii regis et filii sui Ludovici primo