Charter Document - 05390067

Si aliquid de rebus suis locis sanctorum fideles sancte Dei ecclesie dare voluerint hoc sibi procul dubio in eterna beatitudine retribuere confidunt Idcirco ego in Dei nomine Narduinus pavens extreme diem vocationis ne gravatus mole peccaminum sine fructu boni operis sterilis inveniar dono pro remedio anime mee et parentum meorum res proprietatis mee monasterio sancte Marie semper virginis et sancti Petri apostolorum principis et sancti Benedicti Floriacensis cenobii quo corpus ejusdem reverendi patris requiescit que sunt site in pago Matisconense in villa Solmeriaco he sunt vinee prata cum terris cultis et incultis totum et ad integrum quesitum et ad inquirendum quicquid in prefata villa quam ab abbate memorati loci ad censum teneo conquesivi de meo jure in jus et dominationem servorum Dei ad jam dicto cenobio transfero in futurum possidendas ea scilicet ratione ut quamdiu ordinante Deo advixero teneam atque possideam et post obitum meum cum omni melioratione ad predicti loci dominium revertatur Dono autem in presenti presignato cenobio in jam dicta villa mansum I pro vestidura ut ab hac die et deinceps sicut reliquas ipsius monasterii res libero in dominando fruantur arbitrio monachi ejusdem loci Cetera vero ut dixi post obitum meum tam ea que ego ipse tribuo quam ea que ad censum tenere visus sum ad locum sancte Marie sancti Petri et sancti Benedicti revertantur sine alicujus inquietudine Si vero aliquis si ego ipse aut aliqua emissa persona contra hanc donationem venire voluerit aut calumniari hoc quod repetit non evindicet sed insuper sociante fisco auri libras V componat et sua ut diximus repetitio nullum obtineat effectum sed hec presens donatio firma et stabilis permaneat cum stipulatione subnixa Actum Patriciaco publice Signum Narduini qui hanc donationem fieri et firmare rogavit Signum Odile uxoris sue Signum Willelmi Signum Arnulfi Datum mense martino anno XXVII regnante Lothario rege Rainardus notarius scripsit