Charter Document - 05390060

In nomine sancte et individue Trinitatis Hlotharius divina propitiante clementia Francorum rex Cum pravorum hominum moribus jam sub fine seculi sancta Dei ecclesia gravius premitur nobis quibus regni imperium celesti providentia committitur instare vigilantius oportet ne [Domini] nostri Jesu sponsa pia videlicet ecclesia a nostris patribus exaltata sue dignitatis detrimentum patiatur si superne gratie munificentia nostre majestatis imperium muniri volumus et ad illam eternitatis dignitatem tendimus Unde justis servorum Dei petitionibus divini cultus amore faventes notum esse volumus omnibus episcopis abbatibus [] Et quando quidem divina vocatione supradictus abbas vel successores ejus de hac luce migraverint quamdiu ipsi monachi inter se tales inveniri potuerint qui ipsam congregationem secundum regulam sancti Benedicti regere valeant per hanc nostram autoritatem et consensum licentiam habeant abbates eligendi quatenus ipsos monachos qui ibidem Deo famulari videntur pro nobis et conjuge proleque nostra atque stabilitate totius regni nostri nobis a Deo commissi atque conservandi jugiter divinam misericordiam exorare delectet et quidquid de rebus prefati monasterii fiscus exigere poterat prefato monasterio ejusque congregationi ibidem Deo famulanti concessimus ut eis ad divinum servitium peragendum augmentum vel supplementum fiat Et ut hec auctoritas nostris futurisque temporibus Domino protegente valeat inconvulsa manere eam manu propria subter firmavimus et annuli nostri impressione subtersigillari jussimus Actum Compendio palatio regis anno dominice incarnationis DCCCCLXXIIII anno XXI regnante Hlothario gloriosissimo rege Signum Hlotharii gloriosissimi regis Ego Adalbero regius notarius ad vicem domni Adalberonis Remorum archiepiscopi summique cancellarii recognovi