Charter Document - 05390056
| Charter Number: | 05390056 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0967 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et individue Trinitatis Hlotharius divina dispensante clementia rex Si ad corroborandam ecclesiasticam autoritatem servorum Dei precibus aures serenitatis nostre inclinamus procul dubio viam regiam celestis aule terimus Quapropter noscat universalis ecclesie devotio fidelium presentium ac futurorum quod venerabilis Richardus abba sancti Benedicti monasterii una cum quibusdam ejusdem loci fratribus adiens nostre celsitudinis decentiam humiliter deprecatus est quod predecessorum nostrorum decreta regum necnon insuper et privilegia apostolicorum sanctorum Petri et Pauli autoritate munita nostri munimine precepti firmaremus Quorum supplicationibus prout dignum est annuentes villas quas in opus fratrum per apostolicorum regumque autoritatem concessas id est ipsam vallem totam et quidquid in pago Aurelianensi et in pago Blesensi et in pago Wastinensi et in pago Augustodunensi Patriciacum cum omnibus appendiciis suis et Caput Cervium et Everam et Arminicurtem Diacum et Tauriacum Pauliacum cum Pinedello Castellionem cum omnibus appendiciis suis et omnia beneficia vassallorum sicut predictus genitor noster Ludovicus pie memorie rex concessit concedimus omnique nostri regia autoritate munimus pro statu nostre prolis ac statu totius nostri regni et pace Si quis vero contra hec statuta venire temptaverit quod non credimus auri libras quinquaginta persolvat quod vero cepit non evindicet Et ut firmius maneat inconcussumque per succedentium temporum curricula servetur annulo nostri palatii subterfirmantes jussimus insigniri Signum domni Hlotharii gloriosissimi regis Gezo notarius ad vicem domni Odelrici archiepiscopi summique cancellarii recognovit et subscripsit Datum nonas junii regnante domno Hlothario anno XIII indictione X Actum Verberiaco palatio feliciter