Charter Document - 05390049
| Charter Number: | 05390049 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 0942 |
| Date type: | Assigned |
| Resource Link(s): |
|
Charter:
In nomine domini nostri Jhesu Christi anno ab incarnatione ipsius DCCCCXLII indictione XV factum est ut venirent beati Benedicti servi Lemovicas scilicet Ramnaldus Hildemarus Andreas Cloibertus religiosi monachi sub regimine domni Oddonis abbatis constituti ibique dum morarentur aliquantisper religionis gratia ab abbate sanctissimi Martialis apostoli Christi Aimone impetravere quatinus in vice domni Oddonis abbatis sui societatis sue sortirentur commune compendium ita ut ab ea die in reliquum evum nulla esset differencia inter monachos ejusdem loci et beati Benedicti Floriacensis famulos sed utrique dum ad se invicem transirent communis agnosceretur in omnibus conversatio et quasi una haberetur congregatio Exinde transeuntes jam dicti fratres ad Solomniacum beati Petri apostolorum principis cenobium eadem obtinuere ab abbate ejusdem loci Geraldo nomine et a fratribus inibi Deo servientibus Facta est ergo hec conscriptio mutue agnicionis et societatis et in conventu utrorumque fratrum recitata atque in memoria futurorum in libello Regule jussa conscribi Quam ipse corrobare dignetur qui esse constituit ut multitudinis credencium esset cor unum et anima una in ipso Datum mense febroario anno VI regnante Ludovico rege Vulfaldus patris Benedicti utinam non ingratus servulus adnotavit