Charter Document - 05390045

Leo episcopus servus servorum Dei dilectissimis fratribus et filiis videlicet archiepiscopis atque eorum suffraganeis Guidoni ecclesie Lugdunensis Teutoloni Turonensis Gerunco Bituricensis Gerlanno Senonensis Artaldo Remensis atque successoribus eorum in perpetuum Sicut vestra fides et pietas non ignorat in tantum Christus dominus noster sanctam ecclesiam dilexit ut eam proprio sanguine compararet quam et ceteris quidem apostolis et eorum successoribus commendavit sed maxime per ipsorum principes beatissimos Petrum et Paulum hanc disponere decrevit quorum successores tam in hac sancta sede quam ubique terrarum quicunque ex fide vixerunt eandem quisque in suo tempore juxta apostolice institutionis formam regere studuerunt sed ut considerantibus palam est in his nostris diebus tempora periculosa venerunt et frigescente caritate nimium superabundat iniquitas ita ut rerum ordo totus pene turbatus sit et nullus jam locus religioni restare videatur nos vero quod nimis dolendum est nec ex adverso ascendere nec impietatem reprimere certamus sed quicquid illud est quod religioni adversatur clausis mentalibus oculis negligenter transilimus Porro quamvis inertes et desidiosi nostram negligentiam minime pertimescamus ignorare tamen non possumus quod de nostra villicatione Deo rationem reddituri sumus Quapropter carissimi nitamur quantum per divinam gratiam possumus ut a custodienda religione vel piis actibus ex toto vacui non inveniamur Ut autem ad rem veniamus ob cujus occasionem ista dicere cepimus intimatum est nobis etiam et certa verissimaque relatione comperimus quod filius noster Odo venerabilis abbas ex monasterio admodum reverendo vocabulo Floriaco quod est in honore sancte Dei genitricis Marie et sancti Petri constructum ubi requiescit egregius pater domnus noster beatissimus Benedictus decus videlicet gemmaque monachorum regularem conversationem ex traditione suorum predecessorum tenere aliquatenus cum suis fratribus inibi Deo servientibus videatur Hunc ergo ordinem in predicto loco Deo favente aliquatenus ut audivimus reflorescentem toto nisu in his que ad nos pertinent refovere decrevimus et idcirco hanc apostolice auctoritatis epistolam vice beati Petri apostolorum principis quam tenere quamvis indigne videmur vestre fraternitati pro eodem filio nostro Odone et eisdem monachis dirigimus obsecrantes et precipientes ut sicut de nostra communi obedientia necne sollicitudine confidimus subvenire illorum necessitatibus in his que ad curam pastoralem pertinent non negligatis ubicumque autem hec unanimis in Dei servitio fraternitas idemque locus jam Deo largiente tam in religione quam etiam in prediis et in villis spatiatus est et excrevit si aliquis violentus et rapax inquietare aut ipsas res diripere villasque maxime de his que hic inseruntur id est de Patriciaco cum omnibus appendiciis suis et de Caput Cervio cum appendiciis suis de Tauriaco etiam et de Diaco cum appendiciis eorum et de Arminicurte cum appendiciis suis et de Cameron et de Evera cum omnibus adjacentiis suis et de Castellione cum omnibus adjacentiis suis et de Valliaco cum omnibus adjacentiis suis et de Vinolio cum appendiciis suis et de omnibus rebus que ad ipsos sacros monachos pertinent infringere temptaverit vel presumpserit rogamus et precipimus episcopum in cujus diocesi factum fuerit ut illum quisquis fuerit mea per exemplar hujus epistole vice suaque commonitione conveniat et si poterit corrigat et emendet et siquidem emendaverit gratiam et communionem intra sancte matris ecclesie gremium ei permittimus Sed et si rebellis et improbus nostra vestraque commonitione despecta emendare noluerit vice beati Petri precipimus quatenus illum furem et violatorem sancte Dei ecclesie omnes supranominati cum vestris coepiscopis sub anathematis vinculo innodetis sitque pars ejus cum Dathan et Abiron quos terra propter illorum superbiam vivos absorbuit et cum Juda proditore qui Dominum pretio vendidit fiantque filii ejus orphani et uxor ejus vidua parvuli transferantur filii ejus et mendicent et ejiciantur de tabernaculis suis scrutetur fornerator omnem substantiam ejus et diripiant alieni robur ejus non sit illi adjutor nec sit qui misereatur illi et iterum omnes qui dixerunt hereditate possideamus sanctuarium Dei Deus meus pone illos ut rotam sicut ignis qui comburit silvam et sicut flamma comburens montes persequatur Deus et adimpleat facies illorum ignominia ita ut conturbentur et erubescant et confundantur et pereant sintque maledictiones ille super eum quas Dominus super filios Israhel si eum audire contempserint per Moysen promulgavit sitque maledictus in civitate maledictus in agro maledictum cellarium ejus maledictus fructus ventris ejus fructus terre ejus maledicta armenta boum ejus et greges ovium ejus maledictus ingrediens et egrediens disperdat illum Dominus fame et siti et egestate febre et frigore donec pereat tradat illum Dominus corruentem ante hostes ejus sitque cadaver ejus in escam cunctis volatilibus celi et bestiis terre percutiat eum Dominus ulcere pessimo scabie quoque et prurigine amentia ac cecitate ac furore mentis palpet in meridie sicut palpare solet cecus in tenebris et sicut Dominus beato Petro ejusque successoribus quorum vicem quamvis indigni tenemus potestatem dedit ut quodcumque ligaverint super terram ligatum esset et in celis et quodcumque solverent super terram solutum esset et in celis ita illi si emendare noluerit celum claudimus et terram ad sepeliendum abnegamus et demergatur in inferno inferiori solvat ibi quod gessit usque ad novissimum quadrantem Hanc sane epistolam non solum episcopis sed etiam abbatibus vicinis qui sub hac norma regulariter degunt quam Dominus per beatum Benedictum sanxit dirigimus ut si forte confusus paucorum excommunicationem episcoporum contempnandam stultus ille putaverit saltim calumpnia multorum ejus impietas frangatur et membra que pro invicem sollicita fuerint firmius atque robustius in Christi corpore teneantur Hanc autem nostram per quam vobis loquimur epistolam sigillo apostolice auctoritatis insignimus et in cenobio domni patris Benedicti ei conservandam tradimus