Charter Document - 05390038
| Charter Number: | 05390038 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0923 - 0930 |
| Date type: | Assigned |
| Resource Link(s): |
|
Charter:
Humana natura cum sit naturaliter hujus vite delectamentis propensa hisque inherens semper quibuscumque momentis ad interitum defluat eterne crucianda necesse est quemque eternis gaudiis sitientem pereundis redimere eterna Quod ego Guarulfus famulorum Christi servorum minimus in Christi nomine festinans satagere monasterium Floriacense expetii positum propter amnem Ligerim sacratum honore perpetue Marie virginis atque apostolorum Petri principis ac Deo dilecti sanctissimi Benedicti confessoris venerandam presentiam domni Lamberti loci predicti abbatis exposcens Deique servorum ibidem famulantium monachorum ut dignarentur me sociari orationibus eorum offerens de meo proprio quod ex jure paterno habebam alodum unum juxta villam Jo dictam boscum scilicet Veuram vocatum positum inter paludem et tamisiam et in alio loco qui dicitur Vallis tres culturas pro remedio mee anime et uxoris mee seu parentum meorum cujus petitioni adsentientes benigne quod petebam perfecerunt Quod ut notum tam presentibus quam futuris fieret et ne quis vel extraneus vel ex mea linea quod futurum non reor hanc donationem infringere audeat huic carte tradere volui Si quis vero infringere temptaverit quod repetit non vendicet sed cui litem intulerit sociante fisco auri libras X componat et sua frustretur repetitio Hec vero donatio firma et stabilis permaneat cum stipulatione subnixa Actum Floriaco tempore reverendi Lamberti abbatis regnante Rotdulfo rege S Hildradi S Leotaldi S Halerici