Charter Document - 05390023

In nomine sancte et individue Trinitatis Karolus gratia Dei rex Mos et consuetudo regum predecessorum nostrorum semper extitit ut ecclesias Dei sublimarent et divinis mysteriis adjutores existerent quatenus per hec ipsi Deum propitium haberent et posteritas eorum regnandi per succedentia tempora efficaciam feliciter obtinerent Hujus rei gratia ego Karolus auditis servorum Dei petitionibus Bernardi videlicet abbatis sancti Benedicti Floriacensis monasterii necnon religiosorum monachorum ibidem Deo deservientium qui nos adierunt postulantes quatenus morem sequentes regum predecessorum nostrorum regiam nostram munificentiam eis in aliquo commodo impertiremur visum est nobis ratumque duximus eorum voluntati favere Igitur habita deliberatione cum consensu primatum et procerum nostrorum regia auctoritate concessimus eis ex fisco nostro qui vocatur Pistis ecclesiam que est in honore sancte Marie cum omnibus que ad nostros usus ibi pertinere videntur piscatoriam scilicet prata adjacentia contiguamque silvam et omnia que nostri juris sunt propria Similiter dedimus in pago Vilcassino villam Niortportum nomine cum ecclesia in honore sancti Petri itemque alteram ecclesiam cum mansionile altero in Longa villa Anisiacum etiam cum ecclesia inibi sita Hec itaque omnia inscripta cum omnibus adjacentiis suis per preceptum nostre auctoritatis supradicto cenobio condonamus quatenus ex hoc et in omne tempus habitatores ejusdem loci monachi faciant ex predictis rebus quidquid voluerint habentes in omnibus tenendi et possidendi liberam et firmissimam potestatem Et ut hoc preceptum eternam obtineat firmitatem manu propria illud subter firmavimus et anulo nostro sigillari jussimus Signum Karoli gloriosissimi regis Einardus notarius ad vicem Tilpini summi cancellarii recognovit Actum Compendii IIII kal junii anno XX regni augusti Karoli indictione XIIII