Charter Document - 05390022

In nomine sancte et individue Trinitatis Karolus gratia Dei rex Si servorum Dei suggestiones quas nobis pro suis utilitatibus insinuaverint clementi aure excipimus et eorum necessitatibus sagaciter providemus regie celsitudinis opera frequentamus ac per hoc facilius nos eternam beatitudinem adepturos procul dubio confidimus Itaque notum sit omnibus sancte Dei ecclesie fidelibus ac nostris presentibus et futuris quod religiosi viri ex monasterio sancti Benedicti nostram celsitudinem adeuntes questi sunt se inopiam pati propter rerum diminutionem quas preteriti prelati ejusdem monasterii inordinatius quam decuit secularibus attribuerunt ideoque nostram celsitudinem ut prefatum est adeuntes postulaverunt ad hanc erumnam sublevandam et utilitatem eorum ordinandam missos sibi nostra clementia attribui quorum petitionibus annuentes misimus ad hoc opus peragendum Wenilonem archiepiscopum sed et Agium ejusdem parrochie episcopum necnon et Hildegarium Meldensem episcopum itemque Heinardum abbatem monasterii quod vocatur Fossatis ut hanc causam prout melius valerent ordinarent qui ita ut a nobis injunctum est peragentes et ad idem monasterium venientes perquirere voluerunt quonammodo et ex quanta facultate rerum id fieri posset nobisque et ipsam quantitatem attulerunt et a nostra serenitate talem auctoritatem confirmari poposcerunt quatenus et presentes et secuturi ejusdem loci monachi absque ulla penuria stipendiorum valerent Domino libere militare et delectaret eos pro nobis et stabilitate regni nostri uxorisque ac prolis Dominum exorare Vocabula autem villarum ad hoc opus delegatarum vel quantitas ista est in circuitu monasterii quicquid in monte et in valle est cum omni integritate Galliacum cum Noviaco similiter Varennas similiter Isdam similiter Castellionem cum Pinedello similiter Pauliacum similiter Cameron similiter ecclesiam in Vinogilo villa et sex mansos alios ad piscationem necessarios Caputcervium similiter Materniacum villa cum Usennagio et Villare totum preter beneficium Eufonis quondam de Waratonis Monasteriolum similiter Ulmidum similiter Diacum similiter Pauliacum similiter cum curte Marindi Tauriacum totum preter beneficium Frodulfi et Adalardi Everam cum integritate ecclesiam in Axiaco Bellonis villam similiter Bellam silvam similiter Sarmaciolas similiter Bacmarvilla similiter Suncantum cum omnibus appendiciis suis et Warancias cum integritate preter beneficium Roelonis areas in civitate Aurelianensi cum vineis et Bosonis villam Hec itaque a nostra liberalitate de rebus ejusdem monasterii ad stipendia abbatis ipsius monasterii et fratrum deputata esse omnium nostrorum et sancte ecclesie fidelium cognoscat industria et a nobis inhibitum ut nullus abbas futurus de eodem monasterio eligendus secundum nostram indulgentiam et sanctorum episcoporum privilegium de nominatis villis vel locis aliquid diminuere presumat sed de ipsis et nostrum servitium strenue peragat adjunctis vassallorum annuis donis et edificiis monasterii et munitione consueto adjutorio et ipsis servis Dei in eodem loco habitantibus congrua stipendia ministrare studeat Et ut hoc nostre munificentie preceptum nostris futurisque temporibus verius credatur et plenius conservetur consueto serenitatis nostre signo et anuli nostri impressione jussimus roborari Signum Karoli gloriosissimi regis Gislebertus notarius ad vicem Hludowici recognovit Data VII kal octobris anno XVI indictione III regnante Karolo gloriosissimo rege Actum apud Illuncasnum in Dei nomine feliciter amen