Charter Document - 05380011
| Charter Number: | 05380011 |
|---|---|
| Cartulary Title: | The Staffordshire Chartulary. Series III of Ancient Deeds. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1149 - 1159 |
| Date type: | Assigned |
| Resource Link(s): |
|
Charter:
Waltero Dei gratia Cestrie Episcopo et omnibus Sancte Ecclesie ministris et omnibus hominibus et amicis suis Stephanus de Buthlers salutem Sciant tam posteri quam presentes quod ego Stephanus de Buthlers donavi et pro animabus patris mei et matris mee et omnium antecessorum meorum necnon et pro salute mea et uxoris mee et omnium meorum in perpetuam elemosinam concessi ecclesie de Stanis et canonicis ibidem Deo servientibus Stalinton quod est de feodo meo sicut Nicolaus Malvesin et fratres ejus eis vendiderunt pro vii marcas argenti et iiii solidos quoad in cyrographo eorum inter eos confirmavit et continetur Sciatis et quod predictus Nicolaus ad cujus hereditatem terra illa pertinet pro ea mihi homagium fecerat et pro omni servitio annuatim v solidos reddere debebat Quare volo et firmiter concedo et meis omnibus precipio ut predicti canonici hanc eandem terram Stalinton bene et in pace et honorifice in omnibus usuris secularis in elemosinam teneant et sint liberi et quieti ab omni servitio et auxilio et omni exactione pro predictis v solidis Ita quod nulli liceat ab eis amplius quam hoc constitutum et nominatum servitium exigere Et si forte aliquis querela vel pro quacunque re aliqua dissensio orta fuerit inter me et aliquos de meis vel heredibus meis terram illam tenentes ut canonici in pace tenebunt nec pro hoc in aliquo inquietentur vel pecunia eorum capiatur vel a me vel ab aliquo amplius quam predicti v solidis exigatur Canonici vero pro hoc in testimonium adversum me et heredes meos xx solidos mihi dederunt Et ut omnia supradicta rata et firma sint nec ab aliquo in posterum moveri possint hec mea carta confirmavi et sigillo meo consignavi Inde sunt testes Maria uxor mea Robertus filius meus Philippus de Buthlers Leonius de Buthlers Ernaldus nepos Baldewini de Buthlers et alii
Source (click image below to view full size)
