Charter Document - 05370002
| Charter Number: | 05370002 |
|---|---|
| Cartulary Title: | The Staffordshire Cartulary 1200-1327 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1245 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Eudo de Verdona dedi et concessi et hac presenti carta confirmavi Henrico de Verdona juveni et heredibus suis unam bovatam terre cum pertinenciis in villa de Bidulf illam scilicet quam emi de Henrico Franceys filio Radulfi de Astbury tenendam et habendam sibi et heredibus suis vel assignatis libere et quiete et honorifice in bosco et piano in pratis et pascuis in molendinis et in omnibus aliis locis et liberis communiis sicut carta domine Aline de Derlastona purportat quam Ranulfo patri dicti Henrici et heredibus suis pro homagio et servicio suo fecit et sicut carta dicti Henrici similiter purportat Reddendo inde annuatim pro me et heredibus meis ipse et heredes sui vel assignati duos denarios quadrentem scilicet Thome de Letton et Felicie uxori sue et heredibus eorum tres quadrentes et Thome filio Rogeri de Bidulf et heredibus suis tres quadrentes in festo Sancti Michaelis et de residuis tribus quadrentibus adquetabit servicium pertinens ad Aufeton in festo Sancti Andree pro omni servicio seculari et demanda Pro hac autem donatione et concessione dedit mihi dictus Henricus de Verdona tres marcas et dimidiam argenti Ego vero Eudo et heredes mei predictam bovatam terre cum pertinentiis dicto Henrico et heredibus suis vel assignatis contra omnes homines et feminas imperpetuum warantizabimus In cujus rei testimonio huic scripto sigillum meum apposui Hiis testibus Yuone de Waletona Roberto Marescallo de Eston Rogero filio Hervici de Derlastona Willielmo filio Simonis de eadem Thome filio Henrici de Bidulf Willielmo de Kniperslee Stephano filio Siwardi de Bidulf Ricardo de nemore de eadem et aliis
Source (click image below to view full size)
