Charter Document - 05361075
| Charter Number: | 05361075 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1381 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Item de centum solidis censiue in quibus Hugoninus Quinart de Portu Paluelli michi tenetur annuatim obligatus prout in litteris sigillo curie domini ducis Burgundie sigillatis et per Johannem Michaelis de Grangia notarium receptis plenius continetur sic volo et ordino domini abbati sancti Stephani de Diuione et suis successoribus abbatibus dicti loci quinquaginta solidos de predictis centum solidis michi in die festi beati Bartholomei apostoli annuatim debitis vnacum emenda et jure deffectus solucionis si in dicta die non soluerentur perpetuo do et lego Item do et lego perpetuo religiosis Maceriarum ordinis cisterciencis alios quinquaginta solidos restantes de predictis centum solidis michi die dominica Bordarum debitis cum emenda et juribus supradictis pro deffectu solucionis debiti Ita tamen quod dicti religiosi Maceriarum tradant et soluant perpetuo quolibet anno de dictis quinquaginta solidis sibi ut promictitur legatis curato sancti Martini predicti qui nunc est uel qui pro tempore fuerint viginti quinque solidos monnete censiue predicte Ita eciam quod dictus curatus modernus et futuri sui successores curati dicti loci perpetuo anno quolibet tenebuntur qualibet die veneris quatuor temporum vnum capellanum cum suo vicario secum in dicta ecclesia sancti Martini conuocare et pro remedio anime mee et antecessorum meorum ibidem diuina celebrare qua celebracione facta ad tumulum meum seu parentum meorum accedere ac desuper vnum responsorium cum versiculo et oratione cum nota pro deffunctis dicere quibus factis dictus curatus de dictis viginti quinque solidos sibi per dictos religiosos ut prefertur traditis distribuet in hunc modum videlicet capellano extraneo ut dictum est conuocato vnum grossum cum dimidio de veteribus vicario suo vnum grossum veterem et clerico suo semis grossum et residuum dictorum vigintiquinque solidorum penes se retinebit pro labore Et nisi sic fecerit dictus curatus aut futuri curati successores sui predicti dicti religiosi dictos viginti solidos penes se retinebunt donec a dicto curato super hoc per conscientiam suam sint competenter cerciorati dicti vero religiosi tenebuntur pro aliis viginti quinque solidis sibi ut promictitur legatis perpetuo quolibet anno circa tempus obitus mei pro remedio anime mee et antecessorum meorum in ecclesia sua vnum anniuersarium prout consueuerunt in talibus celebrare Laudemium seu remuagium dictorum centum solidorum vt prefertur legatorum quando casus euenerit dicti abbas sancti Stephani et religiosi Maceriarum equaliter inter se habebunt diuidere pro equali porcione heredesque meos facio constituo et instituo omnes illos et illas qui de jure et consuetudine debent esse ita tamen quod in casu quo dicti mei heredes contradicerent in exequcione mea facienda de predictis et quodlibet quod ipsi de omnibus et singulis bonis meis priuentur omnino et quod predicti domini abbas sancti Stephani de Diuione et religiosi Maceriarum in dictis bonis meis loco cuiuslibet eorundem succedant quilibet pro medietate Quodquidem testamentum publicatum extitit judicialiter coram nobis vicesima quarta mensis aprilis anno domini millesimo CCC octogesimo primo presentibus venerabili viro magistro Johanne Jolam jure perito Guillelmo Bertodi Odeto de Riuo habitantibus cabilonensibus et pluribus aliis ad hoc vocatis