Charter Document - 05360076
| Charter Number: | 05360076 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1384 |
| Date type: | Internal, A.D., Feast, Lunar |
| Resource Link(s): |
|
Charter:
Vniuersis presentes litteras inspecturis officialis lingonensis salutem in domino Noueritis nos vidisse tenuisse legisse palpasse ac de verbo ab verbum inspexisse quendam publicacionem testamenti seu ultime voluntatis deffuncte donne Guillemete dicte la Peullee de Dyuione vxoris quondam discreti viri Guidonis de Senceyo clerici habitatoris de dicto Dyuione sanam et integram non viciatam nec abolitam nec in aliqua sui parte corruptam sed omni vicio et suspucione carentem sigillo maiori curie lingonensis in cauda pendenti sigillatum inquaquidem publicacione quedam clausule inter cetera continentur quarumquidem clausularum tenor de verbo ad verbum sequuntur in hunc modum item do et lego collegio capelle domini ducis Burgondie vnum francum boni auri annui et perpetui redditus pro vno anniuersario singulis annis perpetuo die obitus mei in dicta capella celebrando pro remedio anime mee Item do et lego ecclesiis beate Marie et beati Stephani de Dyuione cuilibet eorum vnum francum huiusmodi annui et perpetui redditus pro vno anniuersario perpetuo ut supra pro remedio anime mee in eisdem celebrando Item do et lego ecclesie beati Petri de Diuione vnum huiusmodi francum auri pro duobus anniuersariis in eadem modo premisso singulis annis celebrando quosquidem quatuor francos auri assigno et assedeo prefatis ecclesiis et earum rectoribus et procuratoribus percipiendos et exigendos singulis annis perpetuo super omnia bona mea quecunque et specialiter supra domum meam cum fondo et pertinenciis suis sitam Dyuione in vico du Pautez iuxta domum confratrie Suttorum quam inhabitat Bilotart ex vna parte et exitum seu ruellum mansi quondam defuncti domini Guidonis Rabi quam domum cum suis pertinenciis videlicet porcionem dicte domus nostri de jure competentem exnunc obligo in manibus rectorum seu procuratorum dictarum ecclesiarum et earum cuilibet pro sua porcione pro dicto redditu leuando perpetuis temporibus singulis die obitus mei percipiendo et exigendo Et nos officialis lingonensis prefatus quod vidimus testamur et in huiusmodi visionis testimonio sigillum maius curie lingonensis hiis presentibus litteris duximus apponendum Datum et actum Lingoni die lune ante festum ascensionis domini anno eiusdem millesimo trecentesimo octuagesimo quarto