Charter Document - 05360072
| Charter Number: | 05360072 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1383 |
| Date type: | Internal, A.D., Feast |
| Resource Link(s): |
|
Charter:
Vniuersis et singulis presentes litteras inspetturis officialis lingonensis salutem in domino Notum facimus quod in presencia dilecti et fidelis nostri Guillermi Girardi de Diuione clerici tabellionis curie lingonensis et nostri jurati cui quantum ad hoc et maiora commisimus vices nostras propter hoc personaliter constituti Guido Guiardi de Diuione apud Castillionem supra Sequanam commorans et Johannes Badole de dicta Diuione sponte scienter et deliberate renunciauerunt perpetuo pro se et heredibus suis in manibus religiosorum virorum prioris et conuentus monasterii sancti Stephani de dicta Diuione domino Guidone de Arcu Barrensi canonico et procuratori dicti monasterii presente et stipulante quandam domum cum fundo manso vinea retro et pertinenciis vniuersis eiusdem domus sitam Diuioni extra muros in vico Arbelin Picart iuxta domum mansum et vineam dicti Johannis Badole ex vna parte et domum et mansum quos tenet acensum a dictis religiosis Perrenetus Gros Jonnaul ex alia parte vnacum omni jure accione et racione quod et quas habebant habere poterant et debebant in eisdem domo manso vinea et pertinenciis predictis dictus Guido Guiardi tradiderat et transportauerat dicto Johanni Badole quod facere non poterat absque licencia dictorum religiosorum ut asserebant iidem Guido et Johannes De quibus domo et pertinenciis antedictis dicti Guido et Johannes se deuestierunt et dictos religiosos jnuestierunt perpetuo de eisdem pro se et suis successoribus promittens prefati Guido et Johannes per juramenta sua propter hoc ad sancta Dei euuangelia corporaliter prestita et sub obligacione omnium et singulorum bonorum suorum mobilium et jnmobilium presencium et futurorum quorumcunque preditta omnia et singula rata grata atque firma tenere obseruare et in nullo de cetero contraire renunciantes prefati Guido et Johannes Badole excepcioni decepcionis et omnibus aliis exceptionibus huic facto contrariis Volentes prenominati Guido et Johannes se ad premissa tenenda cogi et compelli quasi ex re adiucata per curiam nostram lingonensem et omnem aliam ecclesiasticam et secularem Quarum curiarum et cuiuslibet ipsarum jurisdiccionibus et cohercionibus dicti Guido et Johannes suposuerunt quo ad hoc penitus et submiserunt se et omnia bona sua In cuius rei testimonium ac relacionem dicti jurati nostri sigillum dicte curie lingonensis presentibus litteris duximus apponendum Actum Diuione die veneris post yemale festum beati Nicolai anno domini millesimo trecentesimo octuagesimo tercio Presentibus Johanne Arnoleti seniore et Symoneto Bergerii de Chanangiis clerico dicte Diuione commorantibus vocatis ad hoc testibus specialiter et rogatis