Charter Document - 05360059
| Charter Number: | 05360059 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1382 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras jnspecturis officialis lingonensis salutem in domino Noueritis quod in presencia dilecti et fidelis nostri Thierreti Eussearii de Diuione clerici tabellionis nostri et jurati cum quantum ad hoc et maiora fidem plenariam adhibemus propter hoc personaliter constitutus Jooetus de Maigneio super Tilliam recognouit et publice confessus est se retinuisse a Johanne Gelieti antici burgense Diuionis omnes decimas sibi pertinencias de villa et finagio de dicto Maigneio huic anno presenti et saisione pro precio et somma duodecin et vnius bicheti bladi per medium frumenti et aduone sequentem decimam loci ad mensuram Diuionis quod bladum predictum promisit dictus Jooetus per juramentum suum propter hoc ad sancta Dei euuangelia corporaliter datum et sub obligacione omnium et singulorum bonorum suorum mobilium et jnmobilium presencium et futurorum quoruncunque reddere et soluere dicto Johanni Gelieti aut eius suo certo mandato lactori presencium litterarum ad festum omnium sanctorum proximo venturum cum omnibus dampnis missionibus et expensis que et quas dictus Johannes se dixerit jncurrisse aut subscriptis pro deffectu solucionis bladi predicti omnibus excepcionibus tocius juris et facti huic facto contrariis penitus renunciens supponens dictus retento[r] se heredes suos et omnia bona sua quantum ad hoc juridicioni et cohercioni curie lingonensis ac omnis alterius curie ecclesiastice uel secularis cuiuscunque sentencia excommunicacionis non obstante vnde hiis auditis idem juratus noster nomine nostro dictum retentorem presentem et consencientem condampnauit et viua voce monuit ad reddendum et soluendum dicto Johanni dictum bladum ad terminum supradictum alioquin nos ipsum in scriptis excommunicabimus monicione alia non premissa jn cuius rei testimonium nos ad relacionem dicti jurati nostri qui nobis premissa retulit esse vera sigillum dicte curie lingonensis presentibus litteris duximus apponi Actum et datum die sabbati beati Barnabe apostoli anno domini millesimo trecentesimo octuagesimo secondo presentibus Garnero dicto Pion et Guillelmo dicto Ysorey testibus ad hoc vocatis et rogatis