Charter Document - 05360057
| Charter Number: | 05360057 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | French |
| Charter Origin: | Lay |
| Charter Type(s): | Vidimus |
| Date: | 1382 |
| Date type: | Assigned |
| Resource Link(s): |
|
Charter:
En nom de nostre seigneur amen Je Jehan de Maroilles clerc jure de la court de hault et excellent prince monseigneur le duc de Bourgongne et coadiuteur de Andre de Faanay notaire de Diion faiz sauoir a touz que l'an mil troiscens quatrevins et deux le vinttime jour du mois de may en la presence de Jehan de Martigney et de Symonnet Bergier clers demeurants a Diion tesmoins a ce appellez et especialment requis je vis tins et leu de mot a mot le testament de feu Jehan d'Aiserey cousturier jadiz demeurant a Diion le quel testament estoit sain et entier seelle du seel de la court de mon dit signeur le duc si comme il apparoit de prime face Du quel testament entre les autres choses estoit contenue vne clause dont la teneur s'ensuit de mot a mot en ceste forme Item do et lego perpetuo conuentui ecclesie beati Stephani de Diuione vnam domum cum pertinenciis eiusdem sitam in villa de Tardo iuxta domum heredum dicti Augeuret hinc et domum heredum dominici Poncier loci inde pro duobus anniuersariis in eadem ecclesia per ipsos celebrandis quolibet anno perpetuis temporibus pro remedio anime mee et predecessorum ac successorum meorum En tesmoing de la quelle vision je Jehan de Maroiltes jure et coadiuteur dessus nomme a la requeste des religieux de Saint Estienne de Diion ay requis et obtenu le seel de la court de mon dit signeur le duc estre mis a ce present transcript fait et donne l'an le jour et presens les tesmoings dessus diz