Charter Document - 05360046
| Charter Number: | 05360046 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1381 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras inspecturis officialis lingonensis salutem in domino Notum facimus quod in presencia Guillelmi Girardi de Diuione clerici tabellionis curie lingonensis et nostri jurati cui quantum ad hoc et maiori commisimus vices nostras propter hoc personnaliter constitutus Symonetus li Pitoulez de Nuelleyo sponte scienter et deliberate recognouit et publice confessus est se debere religiosis viris priori et conuentui monasterii sancti Stephani de Diuione duas aminas et vnam carteronichiam bladi scilicet decem et septem carteronichias frumenti et unam aminam auene sequenter decimam de Nuilleyo ad mensuram diuionensem pro renterra vnius pecie terre site in finagio de dicto Nulleyo continentis quatuor jornalia quam peciam terre dictus debitor tenuit per plures annos a dictis religiosis concordia que super hoc facta de qua dictus debitor se tenuit plene pro contento Promittens jdem debitor per juramentum suum propter hoc ad sancta Dei euuangelia corporaliter prestitum et sub obligacione omnium et singulorum bonorum suorum mobilium et jnmobilium presencium et futurorum quoruncunque reddere et soluere dictis creditoribus seu eorum certo mandato dictum bladum Diuioni infra festam beati Bartholomei apostoli proximo venturam vna cum omnibus dampnis et interesse per dictos creditores ob deffectum solucionis huiusmodi debiti sustinendis et incurrendis omnibus excepcionibus huic facto contrariis penitus renunciando volens dictus debitor ad hoc cogi et compelli quasi ex re adiudicata per curiam nostram lingonensem et omnem aliam ecclesiasticam et secularem Quarum curiarum et cuiuslibet ipsarum jurisdicionibus et cohercionibus dictus debitor supposuit quo ad hoc penitus et submisit se et omnia bona sua Quibus sic actis dictus juratus noster loco et auctoritate nostri predicto debitori presenti presenti volenti et consencienti percepit et jniunxit viua voce vt ipse reddat et soluat dictis creditoribus dictum debitum ad terminum et per modum supradictum Alioquin nisi nobis de huiusmodi solucione constititur nos contra ipsum debitorem per excommunicacionis sentenciam procedemus vt jus erit In cuius rei testimonium ad relacionem dicti jurati nostri qui nobis promissa retulit esse vera sigillum curie lingonensis presentibus litteris duximus apponi Actum Diuioni die dominica post festum beati Pauli apostoli anno domini millesimo trecentesimo octuagesimo primo presentibus Michaeli de Saliua apud Nuilleyum commoranti Symoneto li Coutez Diuioni commoranti vocatis ad hoc testibus specialiter et rogatis