Charter Document - 05360021
| Charter Number: | 05360021 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | Latin |
| Charter Origin: | Lay |
| Charter Type(s): | Judgement |
| Date: | 1379 |
| Date type: | Internal, A.D., Papal |
| Resource Link(s): |
|
Charter:
In nomine domini amen Ex huius instrumenti publici tenore ad vniuersorum noticiam deducatur quod anno eiusdem domini millesimo trecentesimo septuagesimo nono die vicesima mensis maii circa horam terciam indictione seconda pontificatus sanctissimi patris et domini nostri domini Clementis diuina prouidencia pape septimi anno primo in domo habitacionis domini Guillelmi de Laanna presbyteri in Diuione lingonensis diocesis in mei notarii publici ac testorum presencia subscriptorum religiosus et honestus vir frater Guido de Archu Barrensi canonicus monasterii sancti Sthephani de dicta Diuione ordinis sancti Augustini procurator que et procuratoris nomine ut dicebat religiosorum virorum dominorum abbatis et conuentus eiusdem monasterii dixit et exposuit venerabili et circonspecto viro domino Ytherio archidiacono Diuionis in ecclesia lingonensi quod licet parrochie ecclesie Beate Marie ac sanctorum Petri Nicolai Micaelis et Medardi de dicta Diuione de antiqua fundacione pleno iure et in proprios usus ad abbatem dicti monasterii pertineant ac institutorum et destitutorum capellanorum et rectorum dictarum ecclesiarum ad nullum alium quam dominum abbatem pertineat ymo sint et semper fuerint ex fundacione dicti monasterii de sella predicti domini abbatis in quibus monasteriis et ecclesiis religiosisque et capellanos eorundem nulla eidem domino archidiaconi seu predecessoribus suis aut alicui alteri inferiori domino episcopo lingonensi vnquam compecierit aut competat juridicio visitacio et procuracio racione visitacionis Nichilominus tamen ad ipsorum dominorum abbatis et conuentus tunc de nouo perueniant noticiam ut dicebat quod idem dominus archidiaconus pluries se jactauerat et comminatus fuerat quod ipsum monasterium et ecclesias predictas visitaret Que si fierent per ipsum dominum archidiaconum in preiudicium libertatis et immunitatis dicti monasterii et ecclesiarum predictarum ac dictorum religiosorum preiudicium cederent non modicum et grauamen ut assistebat idem procurator Ex quibus et per que dictus frater Guido nomine quo supra senciens dictos religiosos abbatem et conuentum magistros suos et se quo supra nomine multiplicitur pregrauatur timens quod ulterius pregrauari prout affirmabat ab ipso domino archidiacono et contra ipsum ob hoc ad dominum nostrum lingonensem episcopum nomine quo supra verbotenus coram dicto domino archidiacono prouocauit et appellauit protestans nomine predicto de huiusmodi appellacione infra debitum juris tempus in scriptis redigenda et de ea loco et tempore insinuanda innouanda et prosequenda ac de apostolicis repetendis super quibus idem procurator nomine quo supra peciit a me notario infra scripto sibi dari et fieri publicum instrumentum Acta fuerunt hec anno die mense hora indictione pontificatu et loco predictis presentibus dominis dominico Griffonis Stephano de Cepeto et Martino de Latofonte presbiteribus dicte Diuionis habitatoribus vocatis et specialiter rogatis testibus ad premissa Et ego Johannes Girardus de Maroilliis lingonensis diocesis clericus auctoritate apostolica et imperiali notarius publicus premissis omnibus et singulis dum sic fierent cum dictis testibus interfui et hoc instrumentum publicum inde manu propria scripsi hic quod subscripsi et signum meum apostolicum solitum apposui rogatus in testimonio veritatis