Charter Document - 05360001
| Charter Number: | 05360001 |
|---|---|
| Cartulary Title: | Essai sur l'amodiation dans l'ancienne Bourgogne et Chartes de l'abbaye de Saint-Etienne de Dijon de 1377 à 1384 |
| Charter Language: | French |
| Charter Origin: | Lay |
| Charter Type(s): | Sale |
| Date: | 1377 - 1378 |
| Date type: | Internal, A.D. |
| Resource Link(s): |
|
Charter:
En non de Nostre Seigneur amen En l'an de l'incarnacion d'icelly courrant mil troiscens soixante dix et sept le onzime jour dou mois de januier je Huguenins filz de feu Jehan Moingeon maires de la ville d'Ahuit fais sauoir a touz presens et auenir que je non decehuz et non controins mas comme bien ainsies van cede quite et ontroye perpetuelment pour moy et pour mes hoirs a monseigneur Martim de Leffons prestre vne piece de vine en desert ensint commelle se comporte de roye a autre essise ou finaige d'Anières ou leu condit dessus l'Estan d'Anieres decosté la vine de mes suers d'vne part et la vine Humbelot Moingeon d'Ahuit d'autre part pour le pris de deux frans et demi d'our du coing du Roy nostre seigneur et de juste pois à moy paies baillies et deliurez et desquelx je me tien pour bien paies et pour bien contans du dit acheteur pourquoy d'icelle piece de vine en desert me desuey perpetuelment pour moy et pour mes hoirs et ycelly monseigneur Martin acheteur en reuy perpetuelment pour li et pour ses hoirs ou pour ceulx qui de li auront cause par la teneur et tradicion de ces presentes lettres et promet pour moy et pour mes hoirs par mon sairement pour ce donney corporelment sur sains euuangilles de Deu et sur l'obligacion de tous mes biens presens et aduenir la dicte piece de vine par moy ensint vandue au dit acheteur ou a ses hoirs enuers et contre touz garantir deffendre et en pais tenir perpetuelment en jugement et deffenr à mes propres despans et missions quitte pour sa charge acostumee toutes excepcions de fait et de droit cessent et arrier mises qui contre la teneur de ces presentes lettres porroyent estre dites ou alléguees et quant a tenir faire garder et acomplir les chouses dessus dites je vuilx estre controins comme de chouse adiugie par la court de monseigneur le Duc de Bourgoingne a la juridicion et controinte de la quelle court quant ad ce je sobmet moy et mes hoirs et touz mes biens En tesmoing de ce je a requis et obtenu le seel de la dite court estre mis en ces presentes lettres C'est fait en la presence de Guiot de Sencey demorant à Diion clerc coadiuteur de Andrier de Faanay notaire de Diion pour le dit monseigneur le Duc de Jacot Lanirier et de Thiebaul le Beaul Vallet d'Ahuit tesmoings ad ce appellez et requis l'an le mois et le jour dessus diz