Charter Document - 05352090

Coram uobis religioso et honesto uiro fratre Hugone et Fonteromano priore prioratus sanctorum Geminorum prope Hugone executore sub uestre dignitatis nomine cuiusdam gratie a sede apostolica reuerendo in Christo patri ac Domino domino Guillemo episcopo lingonensi concesse unacum quibusdam collegis uiris sub illa clausula quantum uos uel duo aut unus uestrum super ecclesiis monasteriis et locis ecclesiasticis eorumque personis ciuitatis et diocesis lingonensis exemptis et non exemptis in quibus ipsi domino episcopo uisitationis officium de iure uel consuetudine competit per aliquam uel aliquas personam uel personas ideonas quam uel quas ad id idem dictus episcopus duxerit deputandum seu etiam deputandas semel duntaxat uisitandi ac procuratoribus ratione uisitationis huiusmodi ipsi episcopo debitis ab eisdem eeclesiis monasteriis locis et personis taliter uisitatis secundum morem antiquitus laudabiliter et rationabiliter obseruatum in pecunia numerata moderatis recipiendis specialiter deputato dico et propono ego Bertrandus de Edua presbiterus rector parochialis ecclesie de Cancellis eduensis diocesis procurator et procuratorio nomine religiosorum uirorum abbatis et conuentus monasterii sancti Stephani de Dyuione lingonensis diocesis et ad infrascripta facienda sufficienter et legitime fundatus quod uos nuper id est anno presenti dum currente millesimo trecentesimo quadragesimo sexto indictione XIIII pontificatus sanctissimum in Christo patris ac Domini domini Clementis digna Dei prouidencia pape VI anno quinto uicesima die mensis iulii circa horam uesperarum monuistis ut dicitur et generaliter neminem specialiter nominando omnes et singulos abbates priores et ecclesiasticas personas seculares et regulares exemptas et non exemptas cuiuscumque ordinis uel condicionis existant in eisdem ciuitate et diocese lingonense constitutas in quibus tam exemptis quam non exemptis eidem domino episcopo uisitationis officium de iure uel consuetudine competit quantum personam seu personas quam uel quas idem dictus episcopus ad predictum uisitationis officium duceret ut premittitur deputandam uel deputandas semel duntaxat liberaliter et sine contradictione qualibet admittant ac uisitationis officium exercere permittant dictosque domino episcopo uel procuratori suo de procurationibus ratione uisitationis huiusmodi debitis ab ecclesiis et ecclesiasticis personis taliter uisitatis secundum morem antiquitus laudabiliter et rationaliter obseruatum infra quindecim dies a die huiusmodi exerciti officii respondeant et satisfaciant in pecunia numerata alioquin excommunicationis sententias in singulares personas suspensionis in capella conuentus et collegia et interditi in ecclesias et monasteria sententias promulgastis postmodum uero dictis indictione et anno nona die septembris uidelicet die sabbati post festum natiuitatis beate Marie uirginis circa horam terciam ipsius diei religiosus et honestus uir dictus Guillemus de Chaissiaco licenciatus in decretis prior prioratus sancti Uictoris Niuerney comissarius ut dicebat a dicto domino episcopo ad huiusmodi exercendum uisitationis officium specialiter deputatus ad dictum monasterium sancti Stephani dyuionensis personaliter declinauit et in absencia dicti domini abbatis in presencia tamen plurium personarum dicti monasterii litteras super dicta gratia confectas uiros quod exinde subsecutos prefactos processus ac litteras commissionis sue predicte oretenus intimauit ac dictum monasterium uisitauit deinde domum Dei de Broichone undecima die dicti mensis circa horam terciam ipsius diei et postea domum Dei de Thilicastro quartadecima die dicti mensis circa horam uesperarum ac eciam iniunxit idem dictus Guillemus dictis religiosis sub penis in dictis processibus contentis significauit et dixit eisdem quatinus prefato domino episcopo seu procuratorio suo ad huiusmodi procurationes recipiendas specialiter deputato uidelicet Nicolao Huonis de Lingonis satisfacerent Hugoni dicti abbas et conuentus pro procuratore et ratione uisitationis eiusdem domini episcopi de summa uiginti librarum turonensium paruorum quas ratione uisitationis monasterii et pro procuratore taxauit imposuit eisdem significauit et debitas declarauit et dixit et sub penis predictis ut infra quindecim dies a tempore uisitationis a dicta die nona continue numerandos satisfacerent prout et cui supra Item dictis religiosis ratione dicte domus Dei de Broichone decem libras taxauit imposuit significauit et iniunxit prout supra e ratione domus Dei de Thilicastro decem libras turonensium et predicto domino episcopo fore debitas ac dictas uiginti libras pro dicto monasterio de facto declarauit et eos uiua uoce monuit et sub penis in dictis processibus contentis ut infra quindecim dies a diebus uisitationum predictarum continue numerandos dicto domino episcopo seu eius procuratori predicto satisfacerent Hugoni dicti abbas et conuentus pro procuratore et ratione uisitationum predictarum de summis predictis ex quibus processibus uestris licet generalibus secutis specialibus dicti domini Guillemi prefatis iniunctione taxatione significatione monitione et aliis predictis specialiter subsecutis declaratione et iniunctione prefatis ac termini prefixione et sub penis in dictis processibus contentis quas etiam sententias et penas predictis religiosis intimauit per uos fuisse latas et promulgatas sencio sicut et uerum est prefatos dominos meos abbatem et conuentum et ipsorum ecclesiam et monasterium ac domos eorum predictas meque quo supra nomine multipliciter pregrauatos et oppressos Primo quod eo quia dictus dominus Guillemus motu suo proprio uoluntario dictam pronunciacionem taxauit ad uiginti libras turonensium paruorum ut prefertur pro dicto monasterio et pro dictis domibus ad dictum monasterium pleno iure spectantibus cum fructibus et pertinenciis earumdem et quibus faciunt per alterum ipsorum seu alteros desseruiri taxauit et iniunxit prout supra quod tamen est et fuit contra iurium et dicte gratie intellectum uult cum dicta gratia procuratores taxari secundum morem antiquitus laudabiliter et rationabiliter obseruatum secundum quem supposito sine preiudicio quod huiusmodi esset in casu presenti facienda aliqua taxatio deberent sufficere de iure attentis dicto more termibus dicti monasterii facultatibus et dicte monete fortitudine decem libre monete memorate pro procuratore ratione uisitationis dicti monasterii Item pro procuratore dicte domus de Broichone sexaginta solidi et pro procuratore dicte domus de Thilicastro quadraginta solidi turonensium paruorum quas pecunie summas episcopus lingonensis pro procuratore ratione uisitationis sibi debita ac dicti domini episcopi predecessores duntaxat recipere consueuerunt et secundum morem antiquitus laudabiliter et rationabiliter obseruatum publice et notorie ab antiquo et pacifice usque nunc et etiam a tanto tempore de cuius contrario hominis memoria non existit obseruatum dicti episcopi pro tempore per dicta eorum procuratione ratione uisitationis eorumdem duntaxat pecuniarum summas predictas recipere consueuerunt et dicti religiosi tantum soluere consueuerunt per dictis monasterio et domibus prout supra et summas predictas et idem de uisitatione archiepiscoporum Lugduni qui duntaxat pro procuratione ratione uisitationis a dicto monasterio decem libras recipere consueuerunt ac summas predictas de domibus predictis et idem de legatis sedis apostolice cardinalibus et hec sunt notorie adeo quod non possunt aliqua tergiuersatione celari sic ergo dicta taxacio contra dictum morem antiquitus laudabiliter et racionabiliter obseruatum ac ita notorium et de quo dicti religiosi in promptu obtulerunt se informaturos legitime dictum dominum Guillemum tam per testes quam per litteras et aliium debite legitime quos tamen audire noluit dicens quod habebat ita in mandatis a dicto domino episcopo uicariis eius et a uobis fuit iniqua et inique facta et ambitiosa nec fuit nec est tenenda contra dictam antiquitatem et morem predictos ac contra gratiam predictam attento eius ferie diligenter Item dicta taxacio attenta tenuitate dicti monasterii ualde aliter oppressi tam pro decimis domini regis Francie quam pro procuratione domini archiepiscopi lugduney quam pro iucundo aduentu plurium episcoporum lingonensium a tribus annis citra quam pro oneribus legatorum curie romani et nunciorum sedis apostolice ad partes gallicanas pluries missorum quam pro multis oneribus incombentibus et necessario supportandis que sunt in euidenti etiam fuit et est iniqua et excedens supposito etiam sine preiudicio quod ratio precedens cessaret que non cessat cum nec sit intentionis dicti domini nostri pape nec fuerit imponi dicto monasterio uel iniungi pro dicta procuratione importabile onus prout de facto factum fuit attentis taxationibus predictis a tempore nimis breui uos etiam dicte prior sanctorum Geminorum in dictum dominum meum abbatem uirtute gratie seu eius executorie uobis et dicto domino meo ac decano ecclesie sancti Mathuti de Barro super Albam directe sub certa forma in dictum dominum meum executorem uestrum nullam habuistis iurisdictionem certum est etiam quod huiusmodi taxacio est contra iura scripta ac contra constitutionem Benedicti pape duodecim et licet dictus dominus noster papa in dicta sua gratia minime taxauit quantum pro dicta procuratione solueretur sed secundum morem antiquitus laudabiliter et rationabiliter obseruatum solui uoluerit ut dictum est non fuit eius intentionis quod aliquis iniuste solueretur uel exigeretur seu quod ob hoc dictum monasterium et domus grauarentur ultra modum et gratia que est contra ius facta seu preter in suis terminis est tenenda et non amplianda et applicto non est danda applictio ex quibus rationibus et earum qualibet euidenter constat dictos dominos meos grauatos fuisse et esse nos etiam ego procurator predictus et procuratoris nomine quo supra instant requisiui tempore et loco opportunis et infra tempus dictorum quindecim dierum a die uisitationis predictarum numerandorum quanta dicta grauamina ut supra illata per dictum dominum Guillelmum et de mandato uiro ut dicebat et uicariorum dicti domini episcopi dictis dominis meis reuocaretis de quibus etiam uos informatur me obtuli tam per testes quod alia debite et in promptu die uicesimatercia dicti mensis septembris uidelicet die sabbati post festum beati Mathei apostoli dicto anno Domini currente millesimo trecentesimo quadragesimo sexto me tamen audire denegatis factum dicti Guillemi et facta penitus approbando tam tacite quam expresse licet de facto et iniuste et que magistri Guillemi facta potuistis et debuistis reuocare saltum in eo quod facta erant contra iustitiam et iniqua et contra morem antiquitus racionabiliter obseruatum unde ex predictis et eorum singulis ego procurator predictus senciens dictos dominos meos et me quo supra nomine multipliciter pregrauatus cum predicta sint notoria et magnifesta et sic de ipsis publica uox et fama et que confessus est idem dictus episcopus ac ipsius predecessores pluries competenter fore uera timens ex uerisimilibus coniecturis imposterum amplius pregrauari et ne contra prefatos dominos meos eorumdem monasterios et domos predictos ac personam meam de facto procedatis ad alia per speciales processus per excommunicationis suspensionis uel interdicti sententias aut aliter quouismodo imposterum procedatis seu procedant aliqui college seu subexecutores uestri aut alteros dictos dominos meos seu eorum alterum monasterium eorum et loca predicta ac me grauetis seu grauent de facto cum de iure non possitis seu possint idcirco ego procurator predictus procuratorio nomine quo supra a uobis ac a dicto domino episcopo a dicto domino Guillemo commissario et uicariis uel domini et eorum processibus et uestris quibuscumque factis et faciendis contra dictos dominos meos a prefatis iniunctione taxatione declaratione significatione monitione denegatione sententiarum fulminatione termini prefixione publicatione dictorum processuum et maxime prout specialiter et ad specialitatem sunt redacta tam per uos quam per dictum dominum Guillemum et alios predictos et ne contra me ulterius aliqualiter procedatis seu contra dictos dominos meos contra uos et alios predictos ab audiencia uestra et quorumcunque collegarum et subexecutorum uestrorum pro prefatis dominis meis et quibuscumque eisdem et michi ac appellationi presenti adherentibus et adherere uolent ad sedem apostolicam in hiis scriptis prouoco et appello et a uobis peto peto ac iterum et cum instantia cum qua possum apostolos michi dari quo supra nomine supponens me et dictos dominos meos eisdem adherentes et adherere uolentes monasteria ecclesias domos predictas personas et loca ac bona quecunque eorumdem et mea protectioni dicte sedis protestans de hac appelatione mea innouenda intimanda mutanda reformanda et in melius corrigenda ubi quibus et quando uidebitur intimanda et a te tabellione publico habito presente peto michi nomine quo supra super hiis fieri et tradi publicum instrumentum et testes hic astantes inuoco Quaquidem appellatione sit interposita Iohannes de Cabilone procurator et procuratorio nomine magistri et fratrum ac sororum domus Dei de Accellis dicte lingonensis diocesis cum litteris procuratoris maiori sigillo curie lingonensis ut prima facie apparebat sigillum quare tenor inferius continetur tunc eorum dicto domino executore personaliter constitutum predicte appellationi nomine procuratorio dictorum magistri et fratrum ac sororum et pro ipsis se adhesit coram domino executore predicto et ex causis et rationibus in eadem appellatione contentis ad dictam sedem appellauit petendo ab eodem domino executore super huiusmodi suis appellatione et adhesione apostolos sibi dari Quiquid dictus executor prenominatis procuratoribus dixit quod sibi tradentur sub forma publica ad expensum eorumdem copiam procurationum suarum ac appellationis predicte dicens quod eadem copia sit sibi tradita ipse deliberaret super dictis apostolis sibi dandis tenores nostri litterarum procuratorii predictarum secuntur in hunc modum et primo tenor procuratorii dictorum abbatis et conuentus [] Item procuratorii dictorum magistri et fratrum Uniuersis presentes litteras inspecturis Officialis lingonensis salutem in Domino noueritis quod in presentia Iohannis Lamberti de Lantannayo clerici tabellioni iurati cui quantum ad hec et maiora loco nostri audiendi et recipienda nobis quolibet fideliter referenda commisimus uices nostras propter hoc personaliter constituti religiosi uiri magor et fratres ac sorores domus Dei de Accellis necnon dicti fratres et sorores de consensu licencia et auctoritate dicti magistri sibi ad eodem in presentia dicti iurati nostri prestitum et concessum tam committimus quam diuisimus seu etiam separatim distinctum uiros magistrum Petrum Laurencii de Lingonis dominos Andeam Gardon et Garuer de Cellis uicarios perpetuos in ecclesiam lingonensem Richardum Dyuione Girardum Gaidon et Iohannem de Chaigneto clericos curatos burgonenses Guidonem dictum de Bosco de Lingonis clericum et Iohannem de Cabilone Dyuione commorantem et eorum quemlibet insolutum ita quod non sit melior condicio occupantis nec deterior subsequentis sed quod unus ipsorum inceperit alterum prosequi ualeat et finire suos fecerunt constituerunt et ordinauerunt procuratores generales et nuncios speciales in omnibus et singulis causis et negotiis suis notis et mouendis tam pro se quam contra se contra quascumque personas tam ecclesiasticas quam seculares coram quibuscumque iudicibus ecclesiasticis uel secularibus quacumque auctoritate fungentur et quacumque nomine censeantur Dantes et concedentes dicti constituentes tam coniunctim qam diuisim seu eciam separatim dictis procuratoribus suis et cuilibet eorum insolidum plenam generalem et liberam potestatem ac mandatum speciale agendi pro ipsis ipsosque deffendendi excipiendi proponendi replicandi duplicandi triplicandi litem seu lites contestandi iurandi in animas ipsorum tam de calumpnia quam de ueritate dicenda et prestandi cuiuslibet alterius generis calumpnie iuramentum quod in causis exigitur et postulat ordo iuris testes et instrumentum in modum probationis producendi dicendi in testes et eorum dicta seu instrumentum concludendum renunciandum notificandi et innouandi interlocutores et diffinitiuas sententias audiendi appellandi appellationes suas prosequendi et a quolibet alio grauamine appellandi quascumque appellationes suas prosequendi apostolos petendi infirmandi notificandi et innouandi necnon cuicumque appellationi emisse uel emittende nomine ipsorum constituentes et pro ipsis adherendi expensum petendi iurandi super eisdem taxationem et iuramentum uideri et easdem recipiendi beneficium absolutionis sue seu absolutionum suarum si necesse fuerit impetrendi aliumque procuratorem seu alios procuratores loco sui substituendi substitutum quod seu subtitutos reuocandi presenti que procuratorio in suo robore duraturo et omnia alia et singula faciendi que ipsi constituent facerent aut facere possent et deberunt si presentes essent aut interessent ratum et gratum plenius habentes et habituri quicquid per dictos procuratores suos aut alterum eorumdem factum gestum dictum ue fuerit seu et procuratum promittum dicti confactum dicto iurato nostro tanquam publice persone loco nostri stipulato ad opus omnium quorum interest seu intererit aut interesse poterit sub ypotheca rerum suarum si necesse fuerit iudicatum solui et indicio fixi cum suis clausulis uniuersis et oportunis dictosque procuratores suos ab omni satisdationis onere penitus releuare In cuius rei testimonium ad relationem dicti iurati nostri sigillum curie lingonensis presentis litteris duximus apponendi Datum et actum die martis post festum sancte Pentecostes Anno Domini millesimo trecentesimo quadragesimo sexto presentibus domino Laurencio de Ponceyo presbitero et Perreneto Barbare de Uergeyo testibus ad hoc uocatis et rogatis Iohannes Lamberti de Lantannayo ita est Super quibus omnibus et singulis supradictis prenominati procuratores nominibus quibus supra pecierunt a me notario publico infrascripto sibi fieri publicum instrumentum unum uel plura eiusdem substantie et tenoris Acta fuerit hec in dicto prioratu sanctorum Geminorum uidelicet in loigiis bassis ipsius prioratus anno mense indictione et pontificatu supradictis presentibusque religiosis uiris dominis Guillelmo de Tardo Iacobo de Baisseyo canonicis dicti prioratus Girardo de Bouleto clerico bisuntinensi diocesis et pluribus aliis fidedignis testibus ad hoc uocatis specialiter et rogatis Item anno mense indictione et pontificatu supradictis uicesima sexta die mensis septembris religiosus uir frater Iohannes de Uiangiis prior prioratus de Tardo ordinis et diocesis predictorum ad dictum monasterium pertinentis in mei iandicti notarii et subscriptorum testium presentia predicte appellationi se adhesit et ex causis et grauaminibus in ea expressis ad dictam sedem appellauit ac prefatum dominum Bertrandum procuratorem suum et nuncium specialem fecit et constituit ad dictam appellationem eius nomine et pro ipso prosequendum et ad faciendum ea omnia et singula que ad prosecutionem dicte appellationis fuerunt necessaria uel oportuna et que ipsemet faceret si presens esset etiam si alium mandatum exigant speciale Promittens idem prior michi iandicto notario tanquam publice persone solemniter stipulanti et recipienti sub ypotheca rerum suarum et sui prioratus predicti se ratum et gratum plenius habiturum quicquid per dictum procuratorem suum in hiis et circa ea factum fuerit seu etiam procuratum presentibus ad hec ultimo dicta Lingonis in domo habitationis mei iandicti notarii facta Petro Aubriti de Lingonis et Martino Ioce de Musceyo lingonensis diocesis clerico testibus ad hec uocatis et rogatis Item anno mense indictione quintadecima et pontificatu supradictis die mercurii post prefatum festum beati Mathei apostoli uidelicet uicesimaseptima die dicti mensis septembris circa horam tertiam ipsius diei prenominatus dominus Bertrandus procurator et nomine procuratorio dominorum abbatis et conuentus ac prioris de Tardo predictorum ac dictorum magistri fratrum et sororum In mei iandicti notarii et subscriptorum testium presentia coram prefato domino executore in dicto prioratu suo uidelicet in loigiis predictis tunc existente personaliter comparens eidem executori predictis adhesionem et appellationem dicti prioris de Tardo denunciauit et intimauit eidemque copiam appellationis et adhesionis et sue procurationis predictarum tradidit contentam in quodem publico instrumento in duabus pellibus pergameni simul sutis scripto signo et subscriptore mei iandicti notarii signato petens nomine quo supra instanter et instantissime per ipsum executorem super eisdem appellationibus apostolos sibi dari cui procuratori idem dictus executor in scriptis respondit sub hac forma Domine procurator quia instanter instantissime sepe sepius et tercio cum instantia requiritis apostolos super appellatione coram nobis a nobis emissa dari diem istam aliis ineuitabilibus causis occupati et ex aliis certis et iustis causis que nos monent continuamus in tali statu usque ad diem ultimam iuris Super quibus omnibus et singulis supradictis prefatus procurator nomine quo supra peciit a me iandicto notario sibi fieri publicum instrumentum unum uel plura Acta fuerunt hec in dicto prioratu anno mense diebus horis locis indictione et pontificatu predictis Presentibus ad hec ultimo dicta religioso uiro domino Stephano de Tornayo canonico dicti prioratus domino Regnaudo de Noereto curato de Molayo bisuntinensis diocesis et Hugone de Cusseyo curie lingonense tabellione testibus ad hec uocatis specialiter et rogatis