Charter Document - 05351090

Uniuersis presentes litteras inspecturis nos frater Regnaudus humilis abbas totusque conuentus monasterii sancti Stephani de Dyuione ordinis sancti Augustini lingonensis diocesis notum facimus quod nos dilectos nostros religiosos uiros fratres Henricum Alemani cantorem Otthonem de Haicheyo infirmarium Petrum de Seigneyo concanonicos nostros dominum Bertrandum de Edua curatum de Cancellis Symonem de Gastmeyo et Guietum Charger clericos exhibitores presentes et eorum quemlibet insolidum ita quando sit melior conditio occupantis sed quod unus ipsorum inceperit prosequi ualeat et finire nostros facimus constitimus et ordinamus procuratores nostros generales et nuncios speciales in omnibus et singulis causis et negociis nostris quas habemus et habituri sumus contra quascumque personas tam ecclesiasticas quam et secularees eorum quibuscumque iudicibus tam ecclesiasticis quam secularibus quacumque auctoritate fungentur et quocumque nomine censeantur dantes et concedentes dictis procuratoribus nostris et eorum cuilibet insolutum plenarie potest et speciale mandatum agendi pro nobis et nostro monasterio predicto nostrosque et dictum nostrum monasterium deffendi excipiendi proponendi replicare duplicare triplicare quadruplicare litteram contestatam iurandi in animas nostras de calumpnia et ueritate dicenda tam super principali quam accesorio et expenso et prestandi cuiuslibet alterius generis sacramentum quod in causis exigitur et postulat ordo iuris ipsas expensas petendi taxare uidendi et recipiendi ponendi positionibus partis aduerse seu parcium aduersarium respondendi testes et instrumenta in modum probationis producendi in testimonium eorum dicta instrumenta si qui et que contra nos producti uel producta fuerunt dicendi concludendi et remanendi interlocutores et diffinitiuas sententias audiendi ab eisdem et quolibet grauamine appellandi appellationem suam prosequendi et innouandi apostolos petendi et obtinendi beneficium absolutionis nostre et omnes litteras tam simplices quam legendas si necesse fuerit impetendi curiam et recredentiam bonorum et hominum nostrorum petendi et si necesse fuerit fidemiubendi et omnia alia et singula faciendi que nos faceremus si presentes essemus et si mandatum exigant speciale ratum et gratum habentes et habituri quicquid per dictos procuratores nostros et per eorum quemlibet insolutum circa premissa et ea tangencia factum fuerit seu eciam procurator etiam si mandatus exigatus speciale promittentes omnibus quorum interest seu intererit sub ypotheca rerum monasterii nostri predicti si necesse fuerit indicatum solui et iudicio fisci In cuius rei testimonium sigilla nostra duximus presentibus litteris apponenda datum die mercurii post festum conuersionis beati Pauli apostoli anno Domini millesimo quadragesimo quarto