Charter Document - 05351081
| Charter Number: | 05351081 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1346 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Guillermus permissione diuina lingonensis episcopus dilectis capellanis ac sociis nostris dominus Guillemus de Chayssiaco licenciato in decretis priorque sancti Uictoris niuernensis et domino Symoni de Builone sancti Stephani trecensis canonico salutem in Domino ut uirtute et iuxta formam gracie a sede apostolica nobis facere de uisitandis ecclesiis monasteriis prioratibus conuentibus collegiis et aliis locis ecclesiasticis eorumque personis exemptis et non exemptis nostram ciuitatis et dyocesis lingonensis in quibus uisitationis officium de iure uel de consuetudine nobis competit ecclesias monasteria prioratus conuentus collegia loca et personas huiusmodi uisitare corrigere et reformare possitis et ualeatis nostro nomine et pro nobis summasque pecuniarum pro procuratoris ratione uisitacionis nobis debitas declarare seu intimare et litteras apostolicas et processum inde secutum et sentencias in eo contentas facere intimari publicari et denunciari Et alia circapredicta necessaria seu eciam oportuna quos et uestrum quemlibet commissarium seu procuratores nostros ad predicta specialiter deputamus et ea que ad iuridictionem spiritualem seu ecclesiasticam pertinent de iure uel consuetudine per totam ciuitatem et diocesem lingonensem predictas exercere crimina et excessus quoscumque corrigere et purguire et super eisdem componere composiciones que per uos uel aliud recipere et de predictis excessibus et receptis quictare et absoluere contradictore per censuram ecclesiasticam compescedo necnon concessiones audire confitentesque de predictis eciam in casibus nobis specialiter reseruatis et ab omnibus sentenciis nostris inquantum possimus absoluere et penitencias iniungere salutares indulgencias que in locis per uos uisitatis indulgere seu concedere uobis et uestrum cuibus de quorum fidelitate et circonspectionis industria confidimus tenore presentium committimus uices nostras donec eas ad nos duxerimus reuocandas In cuius rei testimonium sigillum nostrum presentibus litteris duximus apponendum Datum apud burgum castrum nostrum uicesima die mensis augusti anno Domini millesimo trecentesimo quadragesimo sexto