Charter Document - 05351066
| Charter Number: | 05351066 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1346 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Item do et lego prioratui de Paluello cabilonensis diocesis ordinis sancti Benedicti unum boissellum ad cumulum boni frumenti annui et perpetui redditus anno quolibet semel in anno priori uel mandato prioris dicti prioratus reddendum et soluendum Quem dicto prioratui assedeo et assigno super unam peciam terre sitam in finagio de Premellis loco dicto es arbeux iuxta terram dicti prioratus et terram Odeti le renoy quam meam peciam terre dicto prioratui obligo penitus et expresse pro dicto boissello frumenti annuatim uolens quod si deficeretur a soluendo prior predictus uel eius procurator seu mandatum ad dictam peciam terre recurere ualeat pleno iure fructus que eius tanquam ligii hereditagii dicti prioratus leuare percipere et habere et fundum alii tradere uel possidere pro dicto boissello anuatim Et uolo quod heredes mei quos ad hoc obligo dictum fundum quietum et liberum ab omni alia seruitute pro solita decima ab omnibus et contra omnes dicto prioratui garantiant et deffendant In cuius rei testimonium ad preces dicti prioris nobis oblatas per dictum iuratum nostrum magnum sigillum curie prefati domini archidiaconi belnensis presentibus duximus litteris apponendum Ego uero predictus dicte curie domini archidiaconi belnensis notarius et iuratus tenui uidi et de uerbo ad uerbum ueraciter legi predictas litteras dicti testamenti et suprascriptas clausulas pro dicto priore in illo predicto testamento ueraciter expressas et scriptas fideliter notaui presentibus Stephano dicto maitre boton de Nuceyo clerico coadiutore Odoti de Nuceyo clerici notarii Nuciati pro domino duce et Guillemo de Prenay morante Nuciati mense maii anno Domini CCC quadragesimo sexto