Charter Document - 05351002

Benedictus episcopus seruus seruorum Dei uenerabilibus fratribus lingonensis et eduensis episcopis ac dilecto filio Decano capelle ducis Burgondie de Dyuione lingonensis diocesis salutem et apostolicam benedictionem Frequentes hactenus imo innumerose quodammodo de diuersis mundi partibus uenerabilium fratrum nostrorum episcoporum aliorumque superiorum prelatorum Necnon dilectorum filiorum rectorum curatorum et parrochialium sacerdotum querele contra dilectos filios predicatorum et minorum ordinum fratres apostolice sedis iamdudum excitarunt Nostrumque clamosis insinuationibus excitare et fatigare non cessant auditum quod ipsi fratres decretalem dudum editam a felicis recordationis Bonifacio papa VIII predecessore nostro que incipit super cathedram ac deinde per pie memorie Clementem papam V predecessorem nostrum in Uiennense concilio innouatam tenerie obseruare non curant sed ipsam transgredi non uerentur in eiusdem sedis contemptam animarum suarum periculum et eorumdem conquerentium et ecclesiarum parrochialium preiudicium et grauamen intelleximus quoque quod plerumque prefatis dictorum predicatorum et minorum Necnon heremitarum sancti augustini et carmelitarum ordinum fratribus in cuius ordinis dictorum heremitarum personis idem predecessor Bonifacius decretalem predictam in qua tantum de ipsis predicatorum et minorum cauetur ordinibus per omnia uoluit postmodum integraliter et inconcusse seruari quamque subsequenter felicis recordationis Iohannes papa XII predecessor noster ad dictorum carmelitarum fratrum ordinem antedictum quo ad omnia in ea contenta extendit a predictis episcopis prelatis rectoribus curatis et sacerdotibus contra tenorem decretalis predicte graues iniurie atque molestie in diuersis partibus inferuntur Nuper etiam pro parte dilectorum filiorum abbatis et conuentus monasterii sancti Stephani de Dyuione ordinis sancti Augustini lingonensis diocesis nobis extitit intimatum quod predicti eorumdem predicatorum minorum heremitarum et carmelitarum ordinum fratres contra tenorem decretalis eiusdem in ecclesiis parrochialibus quas in usus proprios canonice in dicta diocesi obtinent siue ad mensam ipsius abbatis spectantibus multa eisdem abbati et conuentui grauamina et iniurias inferunt ac iacturas Quia igitur parum esset jura condere nisi qui ea tueatur existat nos dicti Iohannis predecessoris nostri qui decretalem predictam de fratrum suorum de quorum numero fuimus consilio uoluit et mandauit integraliter obseruari vestigiis inherentes discretioni uestre per apostolica scripta mandamus quatinus uos uel duo aut unus uestrum per uos uel alium seu alios etiam si sint extra loca in quibus estis conseruatores seu iudices deputati tam eisdem abbati et conuentui aduersus fratres predictos quam econuerso eisdem fratribus aduersus abbatem et conuentum prefatos efficacis deffensionis presidio assistentes ac facientes decretalem predictam quo ad omnia eius capitula firmiter obseruari non permittatis contra tenorem ipsius per memoratos fratres dictorum ordinum eisdem abbati et conuentui nec etiam per dictos abbatem et conuentum eisdem fratribus grauamina aut iniurias irrogari facturi ipsis hincinde de quibuscumque iniuriis molestationibus grauaminibus et dampnis illatis hactenus et eciam imposterum inferendis eisdem contra tenorem decretalis eiusdem in illis uidelicet que iudicialem requirunt indaginem summarie et de plano sine strepitu et figura iudicii in aliis uero prout qualitas ipsorum exegerit iusticie complementum molestatoresque iniuriatores huiusmodi necnon contradictores quoslibet et rebelles quandocumque et quocienscumque expedierit per censuram ecclesiasticam appellatione postponita compescendo Non obstantibus quibuscumque exemptionibus specialibus uel generalibus tam fratribus et ordinibus predictis uel alicui seu aliquibus fratrum et ordinum eorumdem communiter uel diuisim quam prefatis abbati et conuentui sub quacumque forma vel expressione uerborum ab eadem sede concessis ac eiusdem Bonifacii qua cauetur ne aliquis extra suam ciuitatem vel diocesem nisi in certis exceptis casibus et in illis ultra unam dictam a fine sue diocesis ad iudicium euocetur seu ne iudices et conseruatores a sede deputati predicta extra ciuitatem et diocesem in quibus deputati fuerint contra quoscumque procedere sine alii uel aliis uices suas committere aut aliquos ultra unam dictam a fine diocesis eorumdem trahere presumant dummodo ultra duas dietas aliquis auctoritate presentium non trahatur seu quod de aliis quam de manifestis iniuriis et molestiis ac aliis que iudicialem indaginem exigunt penis in eos si secus egerint et in id procurantes adiectis conseruatores se nullatenus intromittant quam aliis quibuscumque constitutionibus a predecessoribus nostris romanis pontificibus tam de iudicibus delegatis et conseruatoribus quam personis ultra certum numerum per litteras apostolicas ad iudicium non uocandis aut aliis editis que uestre possent in hac parte iuridicioni aut potestati eiusque libero exercicio quomodolibet obuiare Seu si tam eisdem fratribus et eorum ordinibus aut alicui seu aliquibus fratrum et ordinum predictorum quam abbati et conuentui predictis seu quibusuis aliis communiter uel diuisim a prefata sit sede indultum quod excommunicari suspendi vel interdici seu extra uel ultra certa loca uel alio quocumque modo ad iudicium euocari non possint per litteras apostolicas non facientes plenam et expressam ac de verbo ad uerbum de indulto huiusmodi et eorum personis locis ordinibus et nominibus propriis mentionem et quibuslibet aliis indulgentiis seu privilegiis dicte sedis generalibus vel specialibus quorumcumque tenorum existant per que presentibus non expressa uel totaliter non inserta uestre iuridictionis explicatio in hac parte ualeat quomodolibet impediri et de quibus quorumque totis tenoribus de uerbo ad uerbum specialem oporteat in nostris litteris fieri mentionem Ceterum iudicibus seu conseruatoribus quibuscumque per litteras apostolicas sub quacumque alia quam presenti uerborum forma uel expressione confectas eisdem dictorum predicatorum minorum heremitarum et carmelitarum ordinum fratribus seu ipsis ordinibus communiter uel diuisim super dampnis et iniuriis ac aliis quibuscumque rebus seu negociis alias deputatis et subdelegatis eorum presentibus et futuris auctoritate presentium districtius inhibemus ne aliquem seu aliquos auctoritate litterarum ipsarum pretextu seu occasione quorumcumque dampnorum vel iniuriarum seu grauaminum contra tenorem dicte decretalis super cathedram ipsis fratribus seu eorum ordinibus antedictis communiter uel diuisim a quibuscumque personis illatorum hactenus et etiam inferendorum imposterum coram se alicubi deinceps ad iudicium vel alias quoquomodo uocare seu in causam aliquatenus trahere presumant inhibitionem huiusmodo non solum ad futura sed etiam ad quouismodo adhuc pendentia et iam cepta negocia uolentes extendi ac decernantes prefatas litteras et processus eorum auctoritate quomodocumque habitos et habendos ad dampna grauamina et iniurias huiusmodi contra tenorem dicte decretalis illata et inferenda ut dictum est deinceps aliquatenus non extendi et etiam irritum et inane si secus super premissis per quoscumque scienter uel ignoranter contigerit attemptari Uobis nichilominus iniungentes ut inhibitionem nostram huiusmodi ad dictorum iudicum seu conseruatorum et subdelegatorum noticiam de quibus nobis expedire uidebitur deducere procuretis Insuper uolumus et apostolica auctoritate decernimus quod quilibet vestrum prosequi ualeat articulum etiam per alium inchoatum quamuis idem inchoans nullo fuerit impedimento canonico prepeditus quodque a datis presentium sit nobis et unicuique uestrum in premissis omnibus et eorum singulis ceptis et non ceptis presentibus et futuris perpetuata potestas ac iurisdicio attributa ut eo uigore eaque firmitate possitis in premissis omnibus ceptis et non ceptis presentibus et futuris et pro premissis procedere ac si predicta omnia et singula coram vobis cepta fuissent et iurisdicio uestra et cuiuslibet uestrum in premissis omnibus et singulis per citationem vel modum alium perpetuata legitimum extitisset constitutione predicta super conseruatoribus et alia qualibet in contrarium edita non obstante Datum Auinione quarto kal iunii pontificatus nostri anno tertio