Charter Document - 05350091
| Charter Number: | 05350091 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1346 |
| Date type: | Internal, A.D. |
| Resource Link(s): |
|
Charter:
In nomine Domini amen anno incarnacionis eiusdem MCCC quadragesimo sexto mensis septembris scilicet XXVI die ipsius mensis ego Richardus de Nulleyo scutifer omnibus notum facio quod ego uendo trado et concedo perpetuo pro me et meis heredibus religiosis uiris prioratu et conuentu monasterii sancti Stephani diuionensis ordinis sancti Augustini pro se et suis successoribus uiginti solidos ad monetam communiter currentem annui et perpetui redditus seu census precio scilicet duodecim librarum bonorum paruorum turonensium michi a dictis religiosis emptoribus solutarum et de quibus me teneo plenarie pro pagato penitus et contento quos quidam XX solidos dicte monete teneor et promicto pro me et meis heredibus per meum iuramentum ad sancta Dei euangelia corporaliter prestitum et sub obligacione omnium bonorum meorum mobilium et hereditagiorum presentium et futurorum quorumcumque reddere et soluere dictis religiosis emptoribus et suis successoribus uel certo mandato aut procuratori suo anno quolibet deinceps et in futurum ad hos terminos scilicet decem solidos monete predicte ad festum natiuitatis Domini et alios decem solidos ad festum natiuitatis beati Iohannis Baptiste quosquidem XX solidos monete predicte assedeo et assigno pro me et meis heredibus perpetuo dictis religiosis pro se et suis successoribus super uniuersa et singula bona qualique sunt et specialiter et expresse super duas domos ligneas sitas in castro diuionense iuxta mansum et portam mei dicti Richardi hinc et unam reletam communem inde item super quemdam mansum et pertinencias eiusdem prout se ingerit usque ad puteum uolens et concedens quod si me uel meos heredes deficere contigerit in solutione dicti annui redditus statutis terminis dictis emptoribus faciendis quod dicti emptores et sui successores ad dictas duas domos ligneas mansum et pertinencias in assessione et assignatione predicta contentos necnon et ad omnes et singulas alias domos meos ligneas circiter magnam domum meam de dicto castro existentem recurrant recurrere possint et debeant easdemque teneant et possideant fructus exitus suos totaliter ex eisdem facientes quousque de dictis XX solidis redditualibus et de arreraigiis ac dampnis inde habitis eisdem emptoribus et suis successoribus fuerunt plenarie et integre satisfactum Quequid hereditagia promitto ad eadem recurrendo cum omnibus dictis emptoribus et suis successoribus perpetuo garantire deffendere et in pace tenere et facere et prestare quicquid in causa emptionis debet fieri et prestari et contra tenorem presencium non uenire et ad tenende predicte uolo compelli [] In quorum testimonium [] Actum in presencia Guidonis Cosseneti de Flureyo coadiutoris Hugonis Poisseneti notarii diuionensis domini Iohannis de Uerceaulx presbiteri et Perreneti le botu de Diuione testium ad hoc uocatorum anno mense et die predictis