Charter Document - 05350089
| Charter Number: | 05350089 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Acceptance |
| Date: | 1346 |
| Date type: | Internal, A.D., Feast, Papal |
| Resource Link(s): |
|
Charter:
In nomine Domini amen Per hoc presens publicum instrumentum notum fiat uniuersis quod anno Domini currente millesimo trecentesimo quadragesimo sexto die martis post festum exaltationis sancti crucis decima nona die mensis septembris circa horam meredianam ipsius diei indictione quartadecima pontificatus sanctissimi patris et domini nostri domini Clementis diuina prouidencia pape sexti anno quinto in presentia mei publica notarii et testium subscriptorum apud Dyuionem lingonensis diocesis scilicet in domo habitationis mei dicti notarii infrascripti personaliter constituti religiosis uiris fratribus Iohanne de Uiangiis de Tardo Hugone de Edua de Marcegnayo in monte et Petro Brabancii de Fauerneyo prioratuum prioribus lingonensis diocesis ad monasterium sancti Stephani dyuionensis pertinencium asserentibus quod cum discretus uir dominus Bertrandus de Edua rector ecclesie de Cancellis procurator et procuratorio nomine religiosorum uirorum abbatis et conuentus predicti monasterii sancti Stephani contra reuerendum in Christo patrem dominum Guillemum episcopum lingonensem necnon et religiosum uirum priorem sanctorum Geminorum executorem ut dicitur gracie apostolice dicto domino episcopo concesse super uisitatione per procuratorem facienda in ecclesiis monasteriis et locis ecclesiasticis eorum quibus personis ciuitatis et diocesis lingonensis et dominum Guillemum de Chassiaco priorem sancti Uictoris niuernensis commissarium seu procuratorem predicti domini episcopi ad dicte uisitationis officium exercendum necnon et a processibus per predictos executorem et commissarium seu procuratorem factis et faciendis necnon et contra omnes quos huiusmodi tangit negocium ad sanctam sedem apostolicam appellauerit in scriptis prout in appellatione super hoc facta et per manum publici notarii in formam publicam redacta plenius dicitur contineri Ipsi priores de Tardo de Marcegnayo et de Fauerneyo prioratum predictorum priores appellationi antedicte et omnibus et singulis in ea continentis dictoque procuratori dictorum abbatis et conuentus in hac parte prout per ipsum procuratorem dictorum abbatis et conuentus dicti monasterii sancti Stephani dicta appellatio facta et interiecta extitit adhererit et adheserunt coram me dicto notario publico et testibus infrascriptis et super adhesione huiusmodi a me dicto notario publico pecierunt iidem prioris sibi fieri publicum instrumentum Acta sunt hec anno mense die hora indictione pontificatus et loco quibus supra presentibus discretis uiris magistro Andrea de Autreyo clerico iurisperito domino Arnulpho de Uoona presbitero et Peroneto dicto le barbatret de Uergeyo clerico testibus ad hoc uocatis specialiter et rogatis Et ego Iohannes Cultilerii de Dyuione clericus lingonensis diocesis sacra imperiali auctoritate publicus notarius huiusmodi adhesioni et omnibus aliis premissis sic coram me actis unacum prenominatis testibus instrumentum premissa que scribi feci et publicaui signoque meo consueto signaui hanc dictionem publicam in superscriptionem approbans uocatus et rogatus