Charter Document - 05350087

In nomine Domini amen Per presens publicum instrumentum cunctis pateat euidenter quod anno eiusdem Domino millesimo quadragesimo sexto indictione quartadecima et tali currere incipiente septima die mensis exeuntis septembris more gallicano septima die mensis octobris uidelicet die sabbati post festum beati Remigii in capite octobris circa horam nonam pontificatus sanctissimi patris et domini nostri domini Clementis diuina prouidencia pape sexti anno quinto apud Lingonas uidelicet in uico qui la rue es gaaigneurs uulgariter appellatur ante seu quasi satis prope domum quam in dicto uico inhabitat discretus uir Iohannes Regnaudi de Humis clericus et ciuis lingonensis ipso Iohanne tunc ibidem personaliter existente una mecum notario et testibus infrascriptis ad ipsius Iohannis presenciam personaliter accessit uir discretus dominus Bertrandus de Edua curatus ecclesie de Cancellis eduensis diocesis procurator et procuratorio nomine uenerabilium et religiosorum uirorum dominorum abbatis et conuentus monasterii sancti Stephani diuionensis ordinis sancti Augustini lingonensis diocesis et eidem Iohani uelut procuratori et procuratorio nomine ac pro tali notorie se gerenti et pro tali ab omnibus publice generaliter et notorie reputato reuerendi in Christo patris ac domino domino Guillelmi Dei gratia episcopo lingonense significauit et intimauit duas appellaciones ad sedem apostolicam interpositas et emissas nomine et pro parte dictorum et par ipsum Bertrandum nomine procuratorio quo supra nomine eciam omnium quorumcumque sibi et dictis dominis suis adherencium et adherere uolentium in hac parte contra dictum reuerendum patrem ab audiencia uenerabilis et religiosi patris domini prioris prioratus sanctorum Geminorum prope Lingonas ordinis sancti Augustini et quibusdam processibus suis factis per eundem tanquam executorem cuiusdam gracie que facta fuisse dicitur a dicta sede apostolica dicto reuerendo patri super ecclesiis monasteriis et locis ecclesiasticis eorumque personnis ciuitatis et diocesis lingonensis exemptis et non exemptis in quibus ipsi domino episcopo uisitationis officium de iure uel consuetudine competit per aliquam uel aliquas personam uel personas ydoneam uel ydoneas quam uel quas ad id idem dominus duxit episcopus deputandam seu eciam deputandas semel dumtaxat uisitandis ac procurationibus racione huiusmodi uisitationis ipsi domino episcopo debitis ab eisdem ecclesiis monasteriis locis et personis taliter uisitatis secundum morem antiquitus laudabiliter et racionabiliter obseruatum in pecunia numerata moderatis recipiendis Que quidem appellaciones continebantur in duobus publicis instrumentis una scilicet in uno instrumento signo et subscriptione discreti uiri Iohannis Cultilerii de Diuione clerici lingonensis diocesis sacra imperiali auctoritate publici notarii et alia in quodam alio publico instrumento signo et subscriptione magistri Petri de Chanlito clerici dicte lingonensis diocesis publica apostolica et imperiali auctoritate notarii et curie lingonensis tabellionis ut prima facie apparebat signatis in quoquidem instrumento signo et subscriptione dicti magistri Petri signato continebatur quod Iohannes de Cabilone procurator et procuratoris nomine magistri et fratrum ac sororum domus Dei de Accellis Necnon religiosus uir frater Iohannes de Uiangiis prior prioratus de Tardo ordinis et diocesis predictorum dictis appellacionibus adheserunt Item significauit et intimauit dicto procuratori ipsius reuerendi patris quod similiter de Marcennayo et de Fauerneyo ac sancti Germani de Granceyo prioratuum priores ordinis et diocesis predictorum per se seu eorum procuratores dictis appellacionibus adheserunt De et super quibus intimatione et significacione dictus dictus Bertrandus quibus supra nominibus peciit sibi a me infrascripto notario dari et fieri publicum instrumentum Acta fuerunt hec prout supra presentibus Iohanne de Bellonouo Lingonis et Iohanne de Balneis Diuioni commorantibus clericis eduensis et tullensis diocesis uocatis specialiter et rogatis testibus ad premissa Item anno indictione et pontificatus quibus supra octauo die dicti mensis octobris uidelicet die dominica in octabis festi beati Remigii in capite octobris circa horam terciam apud Lingonas scilicet in uico dicto chatin ante cimiterium capelle beatorum Simonis et Iude apostolorum existentibus ibidem uiris uenerande ad magnifice discretionis dominis Guillelmo de Uilladei canonico et officiali lingonensi ac Petro de Latra curato seu rectore ecclesie sancti Petri de Barro super Albam sigilliferoque curie episcopalis lingonensis uices gerentibus in spiritualibus et temporalibus dicti reuerendi patris domini episcopi lingonensi in remotis nunc agentis dictus dominus Bertrandus procuratorio nomine quo supra dictis uices gerentibus necnon Nicolao Huonis dicto de Maisuillo de Lingonis clerico notario curie lingonensis similiter ibidem tunc presenti quem dicebat dictus procurator prout sibi datum erat intelligi receptorem seu collectorem ad dictos procuraciones in pecunia recipiendum auctoritate dicti reuerendi patris domini lingonensi episcopi deputatum appellaciones et adhesiones predictas significauit infirmauit ac eciam intimauit Petens ut supra sibi a me dicto notario dari et fieri publicum instrumentum presentibus Iohanne de Bellonouo Poincardo de Castellione super Secanam et Iohanne de Balneis Diuioni commorantibus clericis notariis curie lingonensis uocatis testibus ad premissa Et ego Clemens Guillelmus de Lingonis clericus publicus imperiali auctoritate notarius iuratus predictis omnibus et singulis presens interfui rogatus Inde hoc presens publicum instrumentum super hiis confectum in quo me subscripsi signo meo soluto signaui in testimonium rei geste